Noticias

O Colexio de Podólogos de Galicia asegura que os pés son a parte do corpo que máis sofre no verán e aconsella non camiñar con chancletas para evitar dedos en garra e fascite plantar

O Colexio de Podólogos de Galicia asegura que os pés son a parte do corpo que máis sofre no verán e aconsella non camiñar con chancletas para evitar dedos en garra e fascite plantar

Borja Pérez Serrano, presidente: “Gran parte do calzado usado nesta época estival non reúne as características adecuadas para os pés: falta de suxeición ou solas demasiado finas”

Os expertos explican que o calzado máis aconsellable é o que permite transpirar o pé, está fabricado con fibras naturais, é flexible e suxéitao adecuadamente

 

Coa chegada do verán os pés, afeitos levar calcetíns e calzado pechado durante tanto tempo, experimentan un cambio drástico. Ante esta situación, o Colexio de Podólogos de Galicia lembra que son unha das extremidades que máis sofren nos días de praia e recomenda prestar especial coidado nos meses de verán.

Os profesionais recomendan usar calzado con suxeición no nocello e ben ventilado e indican que o mellor calzado para esta estación serían as sandalias suxeitas ao pé. “Gran parte do calzado usado nesta época estival non reúne as características adecuadas para os pés: falta de suxeición ou solas demasiado finas” –sinala o presidente do Colexio de Podólogos de Galicia, Borja Pérez Serrano–.

Como imos deixar as chancletas na casa cando axexa a calor? Os podólogos tamén avisan de que hai distintos tipos de calzado, e hai que fixarse sempre no máis seguro. En aparencia, as chancletas son inofensivas, pero poden causar diversos tipos de patoloxías nos pés:

Inestabilidade: as chancletas fan que a marcha sexa moito máis inestable, con moitas máis posibilidades de sufrir unha torcedura ou escordadura.

Dedos en garra: o xesto de camiñar consiste en alternar un pé no chan con outro que voa en cada paso. Este tipo de calzado obriga a realizar “garra” cos dedos en cada fase de voo para non perder a chancleta. Este xesto non é fisiolóxico e xera unha maior tensión tanto en dedos como na planta do pé.

Fascite plantar: a fascite plantar é a inflamación da fascia plantar, que é o tecido que vai desde a base dos dedos ata o talón na planta do pé. A dor é bastante aguda e adóitase localizar na zona do talón. O uso de chancletas favorece a aparición da fascite plantar por dous motivos: o feito de ter que forzar a “garra” nos dedos aumenta a tensión que se xera na fascia plantar; e ao tratarse dun calzado moi plano favorece o aumento de tensión na fascia e nas estruturas musculares posteriores da perna como o tendón de Aquiles, xemelgos ou isquiotibiais.

Modifícase o patrón da marcha: a forma de camiñar modifícase co uso das chancletas ao dar pasos máis curtos. Desta forma altérase o funcionamento normal da musculatura da perna.

Dores de xeonllo, costas e cadeira: utilizando chancletas o apoio á ponte do pé é limitado, o que co seu uso frecuente lle pode producir a quen as utiliza molestas dores de costas, cadeira ou xeonllo.

Lesións: o uso prolongado de chancletas pode, ademais da fascite, producir lesións como, por exemplo, escordadura de nocello, pola nula suxeición que achegan.

Rozaduras ou bochas: excederse no uso de chancletas no verán pode causar abrasións nos pés e nos dedos. Estas feridas abertas fan que a persoa afectada sexa máis susceptible ás infeccións e aos xermes.

Dano solar: ao utilizar chancletas o pé está exposto ao sol un gran número de horas, o que fai que se poidan queimar con moita facilidade. Débese prestar especial atención ao dorso do pé, xa que é unha zona que adoita deixarse desprotexida e pode precisar protección mediante cremas protectoras solares.

Xoanetes: cando se utilizan chancletas non se pisa da maneira adecuada, polo que un distribúe o peso do pé de maneira distinta, sobrecargando zonas que poden terminar crecendo por sobrecarga de esforzo.

Hai que procurar non abusar das chancletas, non utilizalas de forma continuada e durante tempos prolongados pola inestabilidade que xera ao ter o pé menor suxeición. Non é un calzado deseñado para camiñar, e moito menos para correr, e pode xerar problemas co paso do tempo, como desenvolvemento de dedos en garra ou fascite plantar” –afirma o presidente–. Ademais, os profesionais da saúde do pé indican que, na medida do posible, non hai que camiñar descalzo en piscinas nin baños públicos, porque son lugares de contaxio potencial de fungos ou outras afeccións, e nestes casos si recomendan usar chancletas. Para erradicar aínda máis a posibilidade de contaxio, recoméndase non compartir o calzado nin a toalla, nin camiñar descalzo sobre moquetas de hoteis ou espazos públicos.

NON á sola plana

Tamén apuntan os expertos que se debe evitar a sola plana e fina porque os zapatos baixos carecen de elementos que permitan a amortecemento dos golpes que se producen ao camiñar, de maneira que o pé recibe impactos continuamente. E aconsellan optar por tacóns de entre 2 e 5 centímetros, xa que desta forma reduciranse os impactos e mellórase a posición do pé e do corpo tanto ao andar como ao permanecer de pé.

Tampouco hai que abusar das bailarinas e de deportivas. Os podólogos consideran que as bailarinas son tamén demasiado planas e adoitan ter puntas estreitas que apertan os dedos e poden provocar a aparición de dolorosos callos. No caso das deportivas, sinalan que se debe limitar o seu uso e non utilizalas de forma habitual porque poderían provocar sudación excesiva e aparición de fungos. Explican que o calzado máis aconsellable é o que permite transpirar o pé, está fabricado con fibras naturais, é flexible e suxéiteo adecuadamente evitando engarramento dos dedos e posibles torceduras.

Rozaduras polo cambio de calzado entre estacións

Momentos incómodos de empezar a levar sandalias tras o inverno ou ao estrealas, son as molestas rozaduras que poden producir a fricción. O Colexio de Podólogos de Galicia aconsella que antes de volver poñer unha sandalia do ano pasado ou estrear unhas novas, impregnes as tiras destas ou as zonas máis sensibles de facer dano, como a área dos laterais do pé e os talóns, de crema hidratante corporal e que as poñas con calcetíns durante polo menos media hora. Desta forma conseguirás que as tiras cedan un pouco e que os materiais se abranden.

 

chanclas web

La reducción de la mobilidad y el aumento de dolor de pies son aspectos muy comunes en la vida diaria del paciente… https://t.co/Ulkg8SRj9A
El presidente, Borja Pérez, ha hablado en el espacio de salud de Cope Vigo 📻 sobre las recomendaciones para mantene… https://t.co/l1KY23Xabk
Tus pies en buenas manos | Pies y embarazo https://t.co/11AidSytmK
La elección del calzado es determinante para la salud de nuestros pies.El uso reiterado de zapatos de tacón puede p… https://t.co/aEEeDoUtye
Visto hoy en @EL Correo Gallego, nuestras recomendaciones para proteger la salud podológica de las mujeres embaraza… https://t.co/FdG1ufFgxi
Recomendamos vigilar la salud de los pies durante el embarazo para evitar alteraciones en la marcha tras el... https://t.co/ryjIgZjZh5
Podólogos andaluces instan a Junta a dialogar sobre el servicio de atención podológica dentro de sanidad pública https://t.co/7Qd6k3FgX4
Damos a conocer la tesis doctoral presentada por Daniel López López en el año 2011. Posteriormente el autor... https://t.co/IAyJiySEnY
Los pies sufren una serie de modificaciones durante el embarazo. Es imprescindible realizar una serie de cuidados e… https://t.co/XSE7nKGzC4
Más del 80% de las personas mayores necesitan los cuidados de un podólogo de manera periódica La incorporación de… https://t.co/OooPyJ0RoA
📣 Ya está aquí el Boletín nº 43 del Consejo General de Colegios Oficiales de Podólogos. Lectura constructiva para e… https://t.co/sR76hvChBi
La uña encarnada produce dolor e inflamación. En el momento en que percibamos la alteración debemos acudir al podól… https://t.co/dEoFOziPIH
Largas horas caminando suponen una serie de dolencias y lesiones en los pies. Para ello se recomienda acudir al pod… https://t.co/y78QMhxaSW
Los podólogos gallegos analizan los beneficios terapéuticos del láser y su aplicación para la cicatrización de heri… https://t.co/60EYmbTnkw
Actualizando y descubriendo aplicaciones del láser en podología, hoy en el curso que organizamos con K-Laser en nu… https://t.co/bTpB1rPpCB
El Colegio de Podólogos de Galicia imparte un curso sobre los usos del láser en la especialidad vía @ActaSanitaria https://t.co/K7trIblxw2
Los podólogos gallegos indagan en los beneficios terapéuticos del láser y su aplicación para la... https://t.co/NaDcXQBSkq
Es fundamental tener en cuenta los consejos de los podólogos a la hora de comprar nuevos zapatos. De esta manera pr… https://t.co/1YBIBNq1pn
Nuestro presidente, Borja Pérez, inició contactos con la Consellería de Política Social con intención de ahondar en… https://t.co/DMZ6kDdijO