Noticias

Os podólogos españois reúnense en Santiago para coñecer os retos aos que se enfronta a profesión, que conta cun “desenvolvemento imparable en todos os segmentos da sociedade”

Os podólogos españois reúnense en Santiago para coñecer os retos aos que se enfronta a profesión, que conta cun “desenvolvemento imparable en todos os segmentos da sociedade”

Javier Alfaro, podólogo da Selección Española de Fútbol: “Realizamos unha podoloxía integral para abordar calquera problema no pé, aínda que os máis habituais son alteracións dérmicas e das uñas, propias dos lances do xogo e da bota”

Santiago de Compostela acolle hoxe venres e mañá sábado o 49 Congreso Nacional de Podoloxía 2018, organizado polo Consello Xeral de Colexios Oficiais de Podólogos de España e o Colexio de Podólogos de Galicia. Celebrarase no Palacio de Congresos e Exposicións de Galicia. Os máis de 1.000 podólogos participantes no simposio, entre conferenciantes e congresistas, chegan a Santiago de Compostela desde 23 países diferentes (Portugal, Italia, Arxentina, Ecuador, México, Reino Unido, Uruguai, Francia, Haití, Costa Rica, Estados Unidos, Brasil, Alemaña, Guatemala, Colombia, Malta, Israel, Marrocos, Bahamas, Chile, Grecia, Finlandia e, por suposto, España), o que lle confire ao evento un marcado carácter internacional.

O congreso foi inaugurado polo presidente do Consello Xeral de Colexios Oficiais de Podólogos de España, José García Mostazo; o presidente do Colexio de Podólogos de Galicia, Borja Pérez Serrano; o Conselleiro de Sanidade da Xunta de Galicia, Jesús Vázquez Almuiña; o presidente da Federación Internacional de Podólogos, Christian Jerome; e o presidente da Asociación Americana de Podólogos (EE UU), Denis Frisch.

Borja Pérez explicou que o congreso, ademais de cuestións científicas, abordarase  a problemática do intrusismo e a situación da podoloxía en España e no resto do mundo. “O desenvolvemento e a implementación da podoloxía en todos os segmentos da sociedade é imparable” -asegurou.

O presidente galego sinalou que é preciso que os representantes políticos coñezan e valoren o potencial da podoloxía e todo o que a profesión pode achegar á sociedade, ademais de valorar debidamente este desenvolvemento científico e competencial que a profesión está a realizar con simposios deste tipo. “A actualización de coñecementos, as relacións e convivencia entre compañeiros e a industria reportará aspectos beneficiosos para nosa práctica clínica co obxecto de ser mellores profesionais”-manifestou.

García Mostazo: “Temos que demostrar a nosa capacidade para ser eficientes, convencer ás autoridades que destinar investimentos en podoloxía-saúde é algo moi produtivo”

Cualificando ao congreso como o evento máis importante da profesión, José García Mostazo indicou que se trata dunha oportunidade para compartir experiencias e estreitar lazos entre profesionais, institucións de investigación e formación de podólogos, como son as universidades, e as empresas expositoras. “O congreso propúxose constituírse nun espazo para a análise e discusión dos temas presentes no interese dos podólogos. A nosa lema é O camiño que nos une que reflicte o interese por estreitar relacións, construír pontes de achegamento no desenvolvemento da nosa disciplina, así como xerar coñecementos e rescatar as experiencias e saberes, que serán de gran utilidade na construción de novos paradigmas e as súas aplicacións en beneficio da calidade de vida e desenvolvemento de saúde de individuos e grupos sociais que compoñen a sociedade” -argumentou.

En canto ao sistema sanitario, Mostazo lembrou que a Sanidade española é unha das mellores do mundo, pero actualmente atravésanse momentos complicados nos que ven ameazados os logros conseguidos ao porse en cuestión a súa sustentabilidade. Asegurou que o máis común e fácil sería acudir ao recorte de servizos, e o difícil, pero o adecuado, é buscar a eficiencia nos procesos, na xestión e nos recursos. “Cando os gobernos tomen decisións sobre as políticas a seguir deben ser moi conscientes que nos atopamos ante un círculo virtuoso onde a máis saúde menos gasto e consecuentemente máis orzamento dispoñible para xerar saúde. Por iso a inclusión da podoloxía no sistema sanitario público é tan estratéxico. Temos que demostrar a nosa capacidade para ser eficientes, convencer ás autoridades, sobre todo económicas, que destinar investimentos en podoloxía-saúde é algo moi produtivo, que sabemos xestionalo e que devolveremos o esforzo en calidade de vida  e en benestar económico e social”- manifestou.

Sanidade está a desenvolver un convenio co Colexio de Podólogos de Galicia para traballar nos elementos crave que garantan unha asistencia adecuada para o paciente

Para clausurar a inauguración, o Conselleiro de Sanidade aplaudiu a celebración deste congreso de podoloxía en Santiago no que se poderán compartir experiencias e absorber coñecementos multidisciplinares, co obxecto de concienciar á sociedade da importancia dos pés, previr patoloxías e lesións nos profesionais do mundo deportivo, analizar o intrusismo profesional ou a situación xeral da podoloxía en España e o resto do mundo. “Unha das especialidades dos podólogos é o pé diabético, campo no que traballa o Sergas, xa que actualmente as úlceras aparecen durante o curso da enfermidade en aproximadamente o 15% e o 25% dos casos de pacientes diabéticos” -explicou, lembrando tamén que o Colexio de Podólogos participou na redacción da Guía Práctica de Úlceras de Pé Diabético para que finalmente o paciente teña a mellor calidade asistencial.

Neste marco, Almuiña destacou que actualmente a Consellería de Sanidade está a desenvolver un convenio de colaboración co Colexio de Podólogos de Galicia para traballar nos elementos crave que garantan unha asistencia adecuada para o paciente e unha mellor calidade de vida.

O tendón de Aquiles soporta entre dous e tres veces o peso corporal, oito ao correr e once ao saltar

Como podólogo da Selección Española de Fútbol, Javier Alfaro destacou que o servizo médico da selección está formado por un equipo multidisciplinar, integrado por un médico deportivo, un traumatólogo, cinco fisioterapeutas e un podólogo. Realiza unha podoloxía integral para abordar calquera problema no pé, aínda que sinalou que os máis habituais son alteracións dérmicas e das uñas, propias dos lances do xogo e da bota, como poden ser bochas, helomas, hiperqueratose, onicocriptose ou hematomas.

Outro amplo campo de traballo son os estudos biomecánicos. Javier Alfaro destacou que se realiza unha exploración no laboratorio (balances articulares e musculares, diferentes test estáticos, plataforma baropodométrica, test dinámicos 4D e escaner 3D) e tamén se analiza o xesto deportivo no propio campo mediante persoais instrumentadas e sensores de profundidade. “Todos estes datos compártense co resto do servizo médico co obxectivo de entender mellor a biomecánica do xogador e poder mellorar os tratamentos realizados”- indica.

Outra das súas funcións como podólogo da Selección Española de Fútbol é  manter interlocución cos  fabricantes das botas, especialmente con ADIDAS como provedor da Selección Española. O especialista puntualizou que, mediante tecnoloxía Younext impresión 3D, realízanse hormas personalizadas para unha mellor adaptación do xogador á bota e diferentes proteccións por exemplo para a exóstose de Handlung ou espinilleiras.

O tamén podólogo do Real Zaragoza C.F participou nunha mesa redonda sobre as patoloxías do tendón calcáceo, coñecido como tendón de Aquiles. Javier Alfaro explicou que o tendón de Aquiles é o que une ao músculo tríceps sural, formado polos xemelgos e o sóleo, co calcáneo e comunícase coas estruturas da planta do pé grazas a unha unidade coñecida como Sistema Aquileo-calcáneo-plantar, o que permite manter o corpo ergueito grazas á súa composición de coláxeno e elastina que proporciona rixidez e elasticidade. “No corpo humano, o tendón de Aquiles é sen dúbida un dos máis fortes, a cada paso que damos soporta entre dous e tres veces o peso corporal, oito ao correr e once ao saltar”- destacou.

A nivel patolóxico, Javier Alfaro considera que as lesións nos tendóns se producen xeralmente por desaxustes na carga que levan á desorganización e dexeneración da estrutura, e no caso do tendón de Aquiles as máis comúns son as tendinites. Ademais, explicou que o enfoque do tratamento debe ser multidisciplinar, xa que para a pronta e correcta recuperación necesítase de podólogos e fisioterapeutas, agás se se trata dunha rotura, cuxa única solución é cirúrxica. Nesta liña, argumentou que a colocación dunha ortese plantar resulta fundamental para redireccionar as forzas que están a actuar sobre o tendón dexenerado. “A recuperación dunha lesión tendinosa non adoita ser nin fácil nin rápida, pero co enfoque adecuado, adaptado e personalizado é posible devolver de novo as propiedades á estrutura e mesmo fortalecela máis do que estaba antes”- sinalou.

Patoloxías infeccións, traumáticas ou conxénitas nas uñas

Pola súa banda, o podólogo e profesor da Universidade de Estremadura, Alfonso Martínez Nova moderou unha mesa redonda sobre patoloxía ungueais e dérmicas. O especialista explicou que as uñas dos pés, como parte da pel que son, poden sufrir numerosas patoloxías, desde infecciosas (por bacterias ou fungos), traumáticas (uña encarnada) ou conxénitas. Ademais, indicou que poden xurdir patoloxías máis graves, como tumoracións benignas ou malignas. “O podólogo pode ser o primeiro en descubrir déficit de vitaminas no organismo, sospeitar de presenza de patoloxías sistémicas ou ben ser o primeiro en diagnosticar un tumor maligno e aumentar moitísimo a esperanza de vida desa persoa” – apuntou.

Martínez Nova destacou que as principais patoloxías que presenta a uña adoitan ser alteracións por unha incorrecta irrigación ou ben traumatismos da uña, o que se denomina onicrogrifose e consiste no engrosamiento da lámina ungueal e tamén no cambio de coloración, que pasa de ser trasparente a máis escuro e opaco. Como patoloxía infecciosa, sinalou a onicomicose ou infección por fungos, unha patoloxía que non é dolorosa polo que o paciente non adoita darlle moita importancia. “O podólogo debe facer cultivo ou outro tipo de probas para determinar que tipo de fungo é, e  así propor o mellor tratamento farmacolóxico oral ou tópico”- explicou.

Como patoloxía traumática, o especialista asegurou que sen dúbida a “raíña” sería a uña cravada ou encarnada, debido ao mal corte das uñas (xeralmente de forma redondeada), o que ocasiona unha inflamación do tecido que rodea a uña, creando dor, inflamación e impotencia funcional. Martínez Nova apuntou que se non é tratado convenientemente, pode chegar a precisar de cirurxía, que se fai de forma ambulatoria na consulta do podólogo.

Programa xornada de mañá sábado

O sábado comezará con senllas mesas redondas centradas na podoloxía deportiva sobre aplicacións prácticas na exploración biomecánica, calzado deportivo, patoloxía metatarso-dixital, aplicacións prácticas do calzado deportivo e continuará con outra sobre pé diabético. Finalmente celebraranse simposios sobre podoloxía pediátrica e cirurxía reconstructiva por complicacións provocadas por profesionais sanitarios e amputacións. O congreso contará con dez talleres teórico-prácticos: exploración vascular ecográfica, tratamentos e actualización en terapia láser, diabético, cirurxía osteoarticular e técnicas de cirurxía ungueal e partes brandas orteses dixitais, ecografía avanzada, dermatoscopia, exploración e descargas en pé.

La reducción de la mobilidad y el aumento de dolor de pies son aspectos muy comunes en la vida diaria del paciente… https://t.co/Ulkg8SRj9A
El presidente, Borja Pérez, ha hablado en el espacio de salud de Cope Vigo 📻 sobre las recomendaciones para mantene… https://t.co/l1KY23Xabk
Tus pies en buenas manos | Pies y embarazo https://t.co/11AidSytmK
La elección del calzado es determinante para la salud de nuestros pies.El uso reiterado de zapatos de tacón puede p… https://t.co/aEEeDoUtye
Visto hoy en @EL Correo Gallego, nuestras recomendaciones para proteger la salud podológica de las mujeres embaraza… https://t.co/FdG1ufFgxi
Recomendamos vigilar la salud de los pies durante el embarazo para evitar alteraciones en la marcha tras el... https://t.co/ryjIgZjZh5
Podólogos andaluces instan a Junta a dialogar sobre el servicio de atención podológica dentro de sanidad pública https://t.co/7Qd6k3FgX4
Damos a conocer la tesis doctoral presentada por Daniel López López en el año 2011. Posteriormente el autor... https://t.co/IAyJiySEnY
Los pies sufren una serie de modificaciones durante el embarazo. Es imprescindible realizar una serie de cuidados e… https://t.co/XSE7nKGzC4
Más del 80% de las personas mayores necesitan los cuidados de un podólogo de manera periódica La incorporación de… https://t.co/OooPyJ0RoA
📣 Ya está aquí el Boletín nº 43 del Consejo General de Colegios Oficiales de Podólogos. Lectura constructiva para e… https://t.co/sR76hvChBi
La uña encarnada produce dolor e inflamación. En el momento en que percibamos la alteración debemos acudir al podól… https://t.co/dEoFOziPIH
Largas horas caminando suponen una serie de dolencias y lesiones en los pies. Para ello se recomienda acudir al pod… https://t.co/y78QMhxaSW
Los podólogos gallegos analizan los beneficios terapéuticos del láser y su aplicación para la cicatrización de heri… https://t.co/60EYmbTnkw
Actualizando y descubriendo aplicaciones del láser en podología, hoy en el curso que organizamos con K-Laser en nu… https://t.co/bTpB1rPpCB
El Colegio de Podólogos de Galicia imparte un curso sobre los usos del láser en la especialidad vía @ActaSanitaria https://t.co/K7trIblxw2
Los podólogos gallegos indagan en los beneficios terapéuticos del láser y su aplicación para la... https://t.co/NaDcXQBSkq
Es fundamental tener en cuenta los consejos de los podólogos a la hora de comprar nuevos zapatos. De esta manera pr… https://t.co/1YBIBNq1pn
Nuestro presidente, Borja Pérez, inició contactos con la Consellería de Política Social con intención de ahondar en… https://t.co/DMZ6kDdijO