Consellos

Unha cirurxía “pouco invasiva” permite tratar a fascite plantar e camiñar desde o primeiro día

Unha cirurxía “pouco invasiva” permite tratar a fascite plantar e camiñar desde o primeiro día

Borja Pérez, coordinador das xornadas:

“É a inflamación dun ligamento que atravesa toda a planta do pé e que sofre unha alta porcentaxe da poboación”

Uns 120 podólogos galegos asisten hoxe e mañá ás Xornadas Galegas de Podoloxía en Santiago de Compostela

O Colexio Oficial de Podólogos de Galicia (COPOGA) celebra hoxe e mañá as Xornadas Galegas de Podoloxía: Patoloxía do Retropé. Diagnósticos diferenciais e abordaxes terapéuticas, no Hotel Os Abetos de Santiago de Compostela. Trátase dun congreso dirixido a profesionais que queren actualizar a súa formación a través de relatorios e talleres prácticos que tratarán de explicar as diversas patoloxías da parte traseira do pé e os seus tratamentos. O acto de presentación estivo presidido polo coordinador das xornadas e portavoz do Colexio de Podólogos, Borja Pérez, a secretaria da entidade, Montse Martínez, e o podólogo e membro da Asociación Española de Cirurxía Podológica, Bernardino Baseas.

As xornadas galegas de podoloxía son o principal evento de formación continua do ano en Galicia nas que participarán aproximadamente 120 podólogos galegos, doutras comunidades autónomas e de Portugal, ademais de estudantes e casas comerciais. Contarase coa experiencia de prestixiosos expertos nacionais e internacionais.

O congreso centrarase en dous puntos importantes: o diagnóstico e o tratamento das patoloxías da parte traseira do pé. Para abordar os diversos diagnósticos está previsto un amplo programa de conferencias e cinco talleres orientados a depurar a metodoloxía terapéutica. Na fase de tratamentos, as xornadas tratarán de ofrecer información sobre diversas abordaxes terapéuticas, desde tratamentos conservadores con vendaxes, férulas, persoais ou fisioterapia, até os máis avanzados procedementos cirúrxicos.

O talón e as estruturas que o rodean son parte fundamental para o correcto estado do pé e do membro inferior. “A parte traseira é como o temón, que dispón como vai ser o comportamento e dinámica do pé” –explicou Borja Pérez. Esta zona do pé vese afectada por alteracións nas articulacións, tendóns ou ligamentos, e o seu  diagnóstico é moi complexo debido á dor difusa que xera e que pode asociarse a incidencias no membro inferior (xeonllo e cadeira).

Borja Pérez manifestou que unha das patoloxías máis frecuentes que xorden na parte posterior do pé é a fascite plantar, unha afección que consiste na inflamación dun ligamento que atravesa toda a planta do pé e que sofre unha alta porcentaxe da poboación. “A pesar de que a fascite plantar presenta unha cronicidade moi elevada, o correcto diagnóstico é a base do seu tratamento” –destacou–.

Nesta liña, o podólogo experto en tratamentos de deportistas de elite, Bernardino Baseas, indicou que actualmente existe un tratamento cirúrxico “pouco invasivo” para tratar a fascite plantar. Trátase da cirurxía endoscópica que permite ao paciente realizar vida normal e camiñar desde o primeiro día.

Outra das alteracións da parte traseira é o pé plano dos nenos. Bernardino Baseas resaltou que existe a día de hoxe unha cirurxía menos traumática para eliminar o pé plano, a través dunha mínima incisión e un pequeno implante.

Incidencia do pé diabético

No Día Mundial da Diabetes (14 de novembro), Borja Pérez lembrou que entre o 15 e o 25% dos diabéticos españois desenvolven unha úlcera no pé e máis dun 30% sofren amputacións. Para minimizar as consecuencias do pé diabético, os podólogos galegos recomendan unha boa hixiene e coidado dos pés, revisalos de maneira visual cun espello, vixiar a pel, asegurarse de levar un calzado cómodo de pel, reparalo e cambialo de maneira regular e usar calcetíns que non opriman e que sexan de fibras naturais. Ademais, aconsellan que os pacientes acudan regularmente ao podólogo para realizar unha revisión a modo de actuación preventiva.

Esta tarde comezan as xornadas de podoloxía de 15:00 a 20:00 horas

As xornadas iniciaranse esta tarde ás 15:00 horas e estenderanse até as 20:00 horas. O acto de inauguración oficial, que se celebrará ás 17:30 horas, estará presidido polo presidente do Colexio de Podólogos de Galicia, Alfonso Alonso; a subdirectora Xeral de Avaliación Asistencial e Garantías da Consellería de Sanidade, Susana Cerqueiro; e o vicedecano da Facultade de Podoloxía de Ferrol, Pedro Gil. As conferencias e talleres continuarán mañá sábado, de 9:30 a 20:30 horas.

As xornadas están patrocinadas polo laboratorio Herbitas e a aseguradora A.M.A. O congreso disporá dunha zona comercial na que doce firmas mostrarán os seus produtos e servizos: A.M.A., Herbitas, Laboratorios Medea, Convatec, Podoibérica, Isdin, Vectem, Ferrer, Tecnoinsoles, Namrol, Podimed e Difefac Pharma.

Deixa unha resposta

O teu enderezo electrónico non se publicará Os campos obrigatorios están marcados con *

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Hoy estuvimos al pie del cañón en el maratón de A Coruña, donde atendimos una veintena de lesiones de ampollas, hem… https://t.co/Ke5vuy3RTX
Aquí os dejamos el programa de las #XXIVJornadesCientífiquesdePodología que organiza el Col·legi Podòlegs Catalun… https://t.co/69VFFHTa1V
El profesor Gómez Ortiz insiste en la necesidad de la formación continua. Aprovechamos el curso del pasado sábado p… https://t.co/kb04B98Ol8
Mantenemos elevada nuestra exigencia formativa. Hoy con el farmacéutico de Barcelona, Santiago Gómez Ortiz. Y gracias por vuestra asistencia
Actualizamos
Nuestro presidente, Borja Pérez, asistió hoy a la inauguración oficial del #VIICongresodeEstudiantesdePodología que… https://t.co/qmqUmPc9wq
El presidente de nuestro Colexio profesional, Borja Pérez, inaugurará el próximo jueves 5 de abril el… https://t.co/FJ00nQGjbv
Consejos para que los pies no sufran en las procesiones de Semana Santa https://t.co/Hqe7JfvNM2
Nuestros consejos para mantener en buen estado los pies de los cofrades, en Televisión de Galicia, con las valoraci… https://t.co/3AfKk0xsBg
Los podólogos gallegos aconsejan a los cofrades preparar sus pies para Semana Santa https://t.co/ocE0imgYb9
Los podólogos gallegos aconsejan a los cofrades "preparar sus pies para el esfuerzo" de Semana Santa https://t.co/ciJDzZwKjI
Aconsejan a los cofrades cuidar sus pies esta semana https://t.co/YSQbpMJQsY
#Consejoscofrades. Preparación de los pies para el esfuerzo de Semana Santa Borja Pérez, presidente: “Permanecer… https://t.co/syxi0DbMP9
Os dejamos aquí ⤵️ el primer número de 2018 de la revista #Footsteps, editada por la Federación Internacional de Po… https://t.co/sHOrslWOHN
#CongresoPodologíaSantiago2018. Con motivo del 49 Congreso Nacional de Podología, el Consejo General de Colegios O… https://t.co/jZLqNUVJwI
Los podólogos actualizan sus conocimientos en dermatología https://t.co/ADcvtyyXsU
Y así ponemos fin a un inolvidable día para el Colexio Oficial de Podólogos de Galicia. Celebramos nuestra... https://t.co/vKxIDUStjI
Así empezamos la jornada, actualizando conocimientos sobre dermatología para aplicar en nuestras #consultaspodológicas
Estamos ultimando detalles para la intensa jornada colegial que tendremos mañana sábado, patrocinada por Grupo... https://t.co/DsasY5AJpX