Noticias

A mortalidade tras unha amputación por pé diabético supera o 70 %, por encima da dos cancros máis comúns

A mortalidade tras unha amputación por pé diabético supera o 70 %, por encima da dos cancros máis comúns

O Colexio de Podólogos de Galicia continúa en conversacións coa Consellería de Sanidade para facilitar o acceso dos pacientes diabéticos a unha asistencia podolóxica especializada

Ata un 34 % dos diabéticos poden desenvolver úlceras de pé diabético, dato que se desprende da memoria presentada polo Consello de Colexios de Podólogos ao Ministerio de Sanidade para xustificar a inclusión de podólogos no Sistema Nacional de Saúde

Acto en Ourense de la Asociación Diabética Auria, con la asistencia de Borja PérezA mortalidade tras unha amputación maior en pacientes con Diabetes Mellitus supera o 70 % aos cinco anos, e é maior que moitos dos cancros máis comúns. Así se reflicte nun informe realizado polo Consello Xeral de Colexios Oficiais de Podólogos que xustifica a inclusión dos podólogos no Sistema Nacional de Saúde e, máis concretamente, en equipos multidisciplinares de pé diabético.

Sobre esta solicitude do colectivo, o Colexio de Podólogos de Galicia está a desenvolver coa Consellería de Sanidade un convenio de colaboración para a elaboración dun programa de prevención e atención podolóxica a pacientes diabéticos e de risco. Pero o Colexio galego pretende ir máis aló da simple derivación de pacientes de Atención Primaria ás clínicas podolóxicas, e considera que é necesario que o podólogo estea adscrito ás unidades de endocrinoloxía das sete áreas sanitarias galegas, formando parte de equipos multidisciplinares, co obxecto de reducir os casos de pacientes diabéticos con úlceras ou amputacións e os seus custos sanitarios e mellorar a súa calidade de vida.

No Día Mundial da Diabetes, o presidente do Colexio, Borja Pérez Serrano, participou hoxe na inauguración da carpa informativa que a Asociación Diabética Auria de Ourense montou na rúa do Paseo da cidade, co fin de difundir as particularidades desta patoloxía e recoñecer este ano o importante papel que desempeña a familia. Repartíronse tamén folletos informativos do Colexio de Podólogos de Galicia sobre a prevención do pé diabético. Ademais, Borja Pérez mantivo un encontro informal coa presidenta de Auria, María Paz Gómez del Valle Ochoa, para tratar temas de interese común.

O custo do tratamento dunha úlcera de pé diabético supera os 7 100 euros

A memoria, de 115 páxinas, foi presentada polo Consello Xeral de Colexios de Podólogos ao Ministerio de Sanidade –polo Colexio de Podólogos de Galicia á Consellería de Sanidade–, e nela reflíctese que España sitúase, en datos de amputación maior en adultos con Diabetes Mellitus, por encima doutros países, como Francia, Reino Unido ou Italia, cunha taxa de 52 por cada 100 000 habitantes.

O estudo foi realizado para o Consello de Colexios de Podólogos pola profesora da Universidade Complutense, Esther García Morais, unha das principais autoridades en España en materia de pé diabético. A memoria sinala que o custo do tratamento dunha úlcera de pé diabético en Europa sitúase ao redor de 7 147 euros.

A incidencia de úlceras de pé diabético calculouse, polo menos, entre o 15 e o 25 % entre as persoas con diabetes, pero se se consideran outros datos adicionais, é probable que se vexan afectadas entre 19 % e o 34 % das persoas diabéticas. O Grupo de Traballo Internacional sobre pé diabético (IWGDF), a Federación Internacional de Diabetes (IDF) e a Asociación de Diabetes Americana (ADA) defenden que “os coidados do pé diabético hanse de organizar ao redor de unidades multidisciplinares, onde debe incluírse ao podólogo en calquera dos niveis de atención”.

O podólogo foi definido nalgúns modelos de unidades multidisciplinares como o “gatekeeper” (coordinador) destes pacientes. Esta incorporación do podólogo como “porteiro”, como a primeira persoa que recibe o paciente, débese a que “a súa especialización confírelle unha serie de competencias transversais fundamentais para a prevención e atención destes pacientes”.

Países como Reino Unido e Estados Unidos inclúen a figura do podólogo nos sistemas nacionais de saúde e danlle un papel protagonista a esta especialidade nos equipos multidisciplinares de pé diabético, diminuíndo taxas de amputación, de reulceración, custos e aumentando a calidade de vida relacionada coa saúde e supervivencia destes pacientes.

Existen unha serie de competencias no manexo dos pacientes con pé diabético, que son exclusivas da profesión podolóxica, e que actualmente non se están prestando en España no Sistema Nacional de Saúde” –sinala Pérez Serrano–. Esta situación leva o paciente a un mal prognóstico por un atraso no diagnóstico, tratamento e medidas preventivas.

Doutra banda, a implementación de protocolos estandarizados na atención sanitaria nos pacientes con pé diabético demostrou mellores resultados no manexo desta complicación. Por iso, o colectivo sinala que as autoridades sanitarias, profesionais da saúde e a sociedade deben sensibilizarse do impacto socio-sanitario que supón o pé diabético.

En base a esta memoria, a Comisión de Sanidade do Consello de Podólogos elaborou un documento coa “carteira de servizos podolóxicos mínimos imprescindibles para a sanidade pública”. Os servizos podolóxicos que se deben incluír na sanidade pública, segundo este documento, son a podoloxía en Atención Primaria, a podoloxía e o coidado do pé xeriátrico e a podoloxía e o coidado do pé diabético.

Máis datos da memoria:

  • Cada 20 segundos nalgún lugar do mundo un paciente sofre unha amputación dunha perna como consecuencia da diabetes e moitas destas amputacións son previbles.
  • A prevalencia do pé diabético está entre o 8 e o 13 % da poboación diabética e en persoas entre 45 e 65 anos.
  • O 20 % dos diabéticos que ingresan no hospital é por problemas nos pés.
  • 5 de cada 6 amputacións, non traumáticas, que se practicaron de pés, foron en pacientes diabéticos.
  • O 40 % das lesións no pé diabético pódense evitar se se diagnostican e tratan dunha maneira precoz, de maneira ambulatoria.
  • A diabetes afecta o 7 % da poboación e o pé diabético é unha das complicacións máis frecuentes.
  • A prevalencia a nivel mundial do pé diabético é do 6,3 % das persoas con diabetes e é maior entre homes que entre mulleres, 4,5 % versus 3,5 % respectivamente, e tamén é máis prevalente entre diabetes tipo 2 cun 6,4 %, que entre poboación con diabetes tipo 1: o 5,5 %
  • Dentro da poboación con diabetes tipo 2, a prevalencia de ulceración aumenta cos anos, alcanzando o 5 % aos 14 anos do diagnóstico; con todo, pódese atopar ata nun 2,7 % dos pacientes ao diagnóstico da enfermidade.
  • O custo do tratamento dun paciente cunha úlcera no pé sitúase ao redor da 7 147 € en Europa, cando nun paciente sen diabetes sitúase ao redor de 3 771€.
  • O custo dunha amputación por pé diabético supón 25 000 € por paciente.
  • O 14 % dos custos de hospitalización de diabéticos débense a enfermidade vascular periférica (EVP) e neuropatía, polo que presumiblemente son atribuíbles a pé diabético.
  • En EUA, un terzo do custo da diabetes está relacionado co manexo e tratamento de complicacións nas extremidades inferiores.
  • En Reino Unido o custo asociado ao pé diabético e amputacións é superior á enfermidade renal, infarto de miocardio ou cardiopatía isquémica.
  • En Dinamarca o custo anual de tratamento de feridas estímase en 4 millóns de euros por hospital, dos cales, 500 000 € están relacionados con pé diabético.
  • O 85 % dos casos de amputación de membro inferior vai precedida dunha úlcera no pé.
  • Os custos directos e indirectos do tratamento dunha úlcera multiplícanse por 2 se o paciente ten infección, ou por 5 se coexisten infección EVP.
  • En España prodúcense 11 amputacións menores por cada 100 000 habitantes, 7 maiores de cada 100 000 habitantes. Se se calcula sobre 45 millóns de españois temos 4 950 amputacións menores e 3 150 maiores.
  • A inclusión da Podoloxía na atención primaria serviría de filtro para a remisión de pacientes á área hospitalaria, xa que máis do 70 % dos casos poderían resolverse en atención primaria.
  • O aforro de custos asistenciais derivados de patoloxías podolóxicas actualmente atendidas por outros profesionais da saúde calcúlase arredor do 60 %.
  • Máis do 80 % das persoas maiores necesitan coidados do podólogo de maneira periódica.
Hoy nos llegan las últimas noticias de la profesión, de mano del boletín informativo del @CGPodologos. Lectura obli… https://t.co/itr907xXDq
El trabajo nos expone durante un largo período temporal a diversas circunstancias que pueden repercutir en la salud… https://t.co/RuaNz7FEqO
El @ColexioPodologo reivindica, en el #DíaInternacionaldelaDiversidadFuncional, el derecho a una inclusión social p… https://t.co/w6LpSXZVpv
El podólogo y profesor de la Universidad de Sevilla, Salomón Benhamú, guía a los participantes en el curso de hoy s… https://t.co/TK8NrAysz3
Mañana sábado celebraremos en nuestra sede en Santiago un curso sobre #ortesis para tratar dedos en garra, juanetes… https://t.co/Tw5U4hqYVN
El 14 de diciembre celebraremos la Asamblea General Ordinaria del 2º semestre. La jornada se completará con un semi… https://t.co/uiy5MBhEyS
Antes de que nos opere un podólogo/a u otros/as profesionales sanitarios 👩🏽‍⚕👨🏼‍⚕, deben explicarnos nuestra situac… https://t.co/BwTJL7VDzy
La vicepresidenta Rocío Dono, participó ayer en la VII andaina contra la violencia de género "Camiño ao respecto",… https://t.co/OHO2Gk3Htz
Este pasado sábado se celebró en Boiro una charla por el Día Mundial de la Diabetes de concienciación a la població… https://t.co/EaF4SSYzNy
👋Nos gustaría ayudarte a cuidar tus pies. ¿Conoces todas las especialidades de la podología? Toma nota de ellas y d… https://t.co/uZGoPFg6aS
Nuestro concurso de postales navideñas🎄en el suplemento Xornal Escolar de @LaRegion, para animar a los más peques a… https://t.co/CWLK3xda2j
Concurso de postales de Navidad ☃️🎄 para niñ@s de 3 a 6 años👧👦. Podrán presentar sus dibujos 🎨, con el pie como pro… https://t.co/7A2MPCef2m
#DíaMundialDiabetes La tesorera del Colexio profesional, Celia Sieiro, ha participado esta mañana en la jornada org… https://t.co/qn6tY9jDeY
#DíaMundialdelaDiabetes #14N Alrededor de un 15% de las personas con diabetes desarrollan alguna úlcera en el pie a… https://t.co/tnTLLK5nAF
#DíaMundialdelaDiabetes #14N La creación de Unidades de Pie Diabético en hospitales gallegos, con podólogos en sus… https://t.co/Utju3ns9IL
¿No habéis podido ir al 50 Congreso Nacional de Cantabria? Os dejamos aquí 👇 el Boletín informativo-Monográfico 50… https://t.co/o0Bya9blqq
Seguimos trabajando para ofrecer los mejores servicios a nuestro colegiados y colegiadas‼️ Hoy se ha reunido la Jun… https://t.co/mJLKdr8TNo
Llega #Samaín #Halloween. Hoy las brujas y los muertos nos acompañarán para vivir una noche terrorífica. Vivamos es… https://t.co/6Y6Z6j505g
Taller de biomecánica del corredor en el Colexio de Podólogos de Galicia, en @elcorreogallego https://t.co/Y1KYl8oEOO
Hoy actualizamos nuestra formación en un taller de biomecánica del corredor, con Luis Enrique Roche en el hotel TRY… https://t.co/iaioTL6BPB