Novas

A nova Xunta de Goberno do Colexio de Podólogos de Galicia tomou hoxe posesión na súa sede de Santiago de Compostela

A nova Xunta de Goberno do Colexio de Podólogos de Galicia tomou hoxe posesión na súa sede de Santiago de Compostela

Exercerán as súas funcións en defensa da profesión até maio de 2019

 

A nova Xunta de Goberno do Colexio de Podólogos de Galicia tomou hoxe posesión dos seus cargos na sede da institución en Santiago de Compostela (avda. Quiroga Palacios, 65). O equipo de goberno está composto polo seu presidente, Borja Pérez, a vicepresidenta, Montserrat Martínez, a secretaria, María dos Anxos Fernández, o tesoureiro, Alfonso Alonso, e os vogais, Lucía Pazos e Juan Francisco Divos.

A Xunta de Goberno, que exercerá as súas funcións até maio de 2019, comprométese a representar e defender os intereses da profesión, loitar contra o intrusismo e achegar a figura do podólogo e as súas competencias á poboación.

Formación avanzada e administración electrónica

En xeral, o Colexio de Podólogos de Galicia ten entre as súas funcións o labor de velar pola ética profesional, impedir e perseguir os casos de intrusismo, organizar actividades e ofrecer servizos comúns de carácter profesional de interese para os colexiados, como a formación avanzada en materia cirúrxica ou a aposta pola administración electrónica, ademais de programar congresos, conferencias e xornadas para estimular o perfeccionamento técnico, científico e humanístico da profesión. Outro obxectivo da entidade céntrase en fomentar as relacións con outros profesionais do ámbito sanitario.

Posted in Novas

Deixa unha resposta

O teu enderezo electrónico non se publicará Os campos obrigatorios están marcados con *

Something went wrong with the twitter request!