Novas

O Colexio de Podólogos de Galicia alerta do mal uso dos calicidas, que poden provocar queimaduras nos pés

O Colexio de Podólogos de Galicia alerta do mal uso dos calicidas, que poden provocar queimaduras nos pés

As clínicas podolóxicas galegas detectaron un aumento preocupante do número de casos nos últimos meses

Alfonso Alonso, presidente do colexio profesional:

“Os danos da aplicación dun calicida son no 99 por cento dos casos moito peores que os beneficios”

O Colexio de Farmacéuticos da Provincia da Coruña explica que o colectivo ten “especial precaución con diabéticos” pola súa sensibilidade a úlceras e remítenos ao podólogo

O Colexio de Podólogos de Galicia manifesta a súa preocupación e activa unha alerta sanitaria ante o uso abusivo de produtos calicidas que, nos últimos tempos, está a producirse entre a poboación galega. O colectivo advirte que o número de consultas podolóxicas por queimaduras provocadas por estes produtos aumentou “de forma exponencial” nos últimos meses, un autotratamento asociado en gran medida á crise económica e ao descoñecemento da súa correcta aplicación.

Como profesionais sanitarios, os podólogos galegos destacan os graves efectos negativos que teñen os calicidas sobre o pé: irritación, queimaduras, bochas, abscesos, infección ou úlceras. En caso de non tratar estas afeccións pódese mesmo pór en risco a extremidade do paciente, sobre todo naqueles casos afectados de diabetes (Diabetes Mellitus), un trastorno metabólico que se manifesta por uns niveis de glicosa en sangue (glucemia) por encima dos límites normais.

Para comprobar o alcance do mal uso dos calicidas, o Colexio de Podólogos de Galicia fixo un estudo para analizar casos reais que atenden os profesionais galegos nas súas clínicas. Este informe sintetiza os datos básicos dos pacientes e as súas afeccións: datos persoais (sexo e idade), antecedentes persoais de problemas vasculares ou diabetes, lesións, uso de calicidas, orixe da prescrición, tempo de utilización do produto e tratamento podolóxico aplicado.

Tendo en conta as consecuencias negativas para os pés dos pacientes, o Colexio de Podólogos de Galicia pide prudencia aos diversos colectivos médicos que receitan e recomendan estes tratamentos. “Os danos da aplicación dun calicida son no 99 por cento dos casos moito peores que os beneficios- explica o presidente do Colexio de Podólogos, Alfonso Alonso.

O Colexio de Farmacéuticos da Provincia da Coruña considera necesario acordar un protocolo de actuación conxunta entre os profesionais de atención sanitaria

O presidente do Colexio de Podólogos de Galicia reuniuse o pasado mes de maio con representantes do Colexio Oficial de Farmacéuticos da Provincia da Coruña para comunicarlle a súa preocupación polo mal uso dos calicidas. O colectivo farmacéutico recibe con frecuencia nos seus establecementos a persoas maiores que piden algún produto para o tratamento dos callos. Nestes casos, os farmacéuticos aconsellan como utilizar estes produtos, empregando algún tipo de vaselina ou crema ao redor do callo para protexer e non queimar a zona. “Temos especial precaución con diabéticos pola súa sensibilidade a úlceras e moitas veces remitímolos ao podólogo, ademais de advertir a pacientes alérxicos ao ácido acetilsalicílico”- destacan.

Para controlar e erradicar a mala aplicación de calicidas en grupos de risco como as persoas diabéticas, os farmacéuticos coruñeses consideran que sería necesario acordar un protocolo de actuación conxuntamente con todos os profesionais implicados na atención sanitaria a estes pacientes.

En canto á necesidade de prescrición de calicidas con receita médica, o Colexio de Farmacéuticos da Provincia da Coruña lembra que a cualificación de medicamentos suxeitos a prescrición médica está recollida o a Lei 29/2006 de Garantías e Uso Racional dos Medicamentos e Produtos Sanitarios. “É competencia do Estado establecer se os diferentes medicamentos deben estar suxeitos ou non a prescrición médica, ou tendo en conta as últimas disposicións desa Lei a posible indicación por podólogos ou persoal de enfermaría”- subliña.

Ademais, o colectivo destaca que o farmacéutico, como profesional sanitario experto en medicamentos e produtos sanitarios, dispón de amplos coñecementos no “uso racional” dos mesmos para recomendar a súa utilización nos casos necesarios ou a remisión ao médico en caso de complicacións ou risco.

Vademécum de farmacoloxía aplicada en podoloxía

Os farmacéuticos cataláns, Santiago Gómez Ortiz e Santiago Gómez Facundo, son autores da “Guía Farmacolóxica de Utilización en Podoloxía”, editada en febreiro de 2010 a petición do Consello Xeral de Colexios Oficiais de Podólogos. Ademais, son responsables da formación farmacolóxica continua dos profesionais do Colexio de Podólogos de Galicia.

Esta guía é un instrumento de traballo creado para que os podólogos realicen unha elección das mellores opcións fármaco-terapéuticas para o tratamento das diversas patoloxías do pé. Incluíronse aqueles medicamentos e fórmulas maxistrais, elaboradas nas farmacias, máis comúns e de uso cotián na práctica podolóxica que precisan receita médica. A guía farmacolóxica propón unha selección de medicamentos de utilidade podolóxica atendendo a parámetros de calidade na prescrición “eficacia, seguridade, avaliación na súa utilización e comodidade de prescrición”.

Existen preparados dermatolóxicos (antehidróticos, anteverrugas e calicidas) clasificados como cosméticos, con propiedades antetranspirantes e desodorizantes, cunha potencia e efectividade moi limitada que non están incluídos na guía. No caso dos calicidas, debido ás limitacións legais, as súas formulacións son restritivas cuantitativa e cualitativamente ao ter consideración de cosméticos e non de medicamentos. Santiago Gómez Ortiz indica que moitos destes preparados presentan unha cantidade elevada de ácido salicílico na súa composición para reducir as durezas ou os calos, superior na maioría dos casos ao 20 por cento e chegando ao 50 por cento, un produto para o que se necesitaría receita médica ou podolóxica. En cambio, hai outros produtos que teñen a súa razón de ser con niveis de ácido salicílico do 16 por cento.

Segundo Santiago Gómez Ortiz, esta guía apunta como contraindicación que os calicidas non deben ser utilizalos por pacientes que presenten alteracións da circulación periférica e diabéticos que non fosen avaliados por un podólogo. “O labor dun farmacéutico será aconsellar sobre o uso do produto e preguntar para quen é. A farmacia actúa de filtro e deriva ás persoas afectadas ao podólogo” -explica Santiago Gómez Ortiz

Posted in Novas

Deixa unha resposta

O teu enderezo electrónico non se publicará Os campos obrigatorios están marcados con *

Os podólogos asesoran os penitentes para evitar doenzas, en Televisión de Galicia​ https://t.co/ZghubCy1Be" target="_blank">https://t.co/ZghubCy1Be https://t.co/ZghubCy1Be" target="_blank">https://t.co/ZghubCy1Be
Seguimos apoyando a los #deportistas. Ayer domingo en la carrera popular gandeira de Santa Comba en la asistencia… https://t.co/B3uqseFNjN
Los podólogos dan las pautas para la Semana Santa - Diario Sanitario https://t.co/XVuRiGpGbk
El domingo de Semana Santa estaremos en la “I Clásica Gandeira de Santa Comba” 🐮, asistiendo a los corredores con i… https://t.co/hRMZwvaw6d
El domingo-21 de Semana Santa estaremos en la “I Clásica Gandeira de Santa Comba” 🐮, asistiendo a los corredores co… https://t.co/DPUl6xcCqE
Consejos para los principiantes en el running y así evitar lesiones innecesarias https://t.co/7vktSb46Z3
Exploración biomecánica para evitar lesiones https://t.co/btxmgbUtKg
Recomendamos na exploración biomecánica previa a la práctica de running para prevenir lesiones Borja Pérez, presid… https://t.co/dKIUouSwG7
📸 Álbum de fotos de la jornada de asistencia podológica a los corredores del maratón Coruña42 , ayer domingo en la… https://t.co/vCr5IH6fAQ
🏃‍♂️🏃‍♀️Este domingo se celebra el VIII Maratón Atlántica @Coruna42 , y allí estaremos los podólogos‼️Asistiremos a… https://t.co/EanFoGTyEw
Nuestro presidente abrió ayer en el congreso de estudiantes en la facultad de FERROL. https://t.co/7ODHEggyWM
Borja Pérez: “Las acciones de los intrusos pueden afectar a la seguridad e integridad de las personas". Ofreció una… https://t.co/6B1cc3Y3is
Nuestro presidente Borja Pérez inaugurará mañana el VIII Congreso de Estudiantes de Podología que se celebrará en e… https://t.co/IotKyEibDq
Abrimos ✍️ del curso exploración biomecánica y técnica de adaptación en directo, que celebremos el 4 de mayo en la… https://t.co/bRiHrkaNvu
Si estás embarazada, mírate los pies. Reportaje en el suplemento #YES de @lavozdegalicia https://t.co/6T7ffUoRc3
La World Health Organization (WHO) celebra cada siete de abril, desde 1950, el Día Mundial de la Salud. Este año l… https://t.co/yFxlePTTSM