Noticias

O Colexio de Podólogos de Galicia recomenda protexer os pés do sol cunha crema de alta protección para evitar queimaduras nas plantas

O Colexio de Podólogos de Galicia recomenda protexer os pés do sol cunha crema de alta protección para evitar queimaduras nas plantas

Borja Pérez Serrano, presidente: “Se notas que queimaches os pés o primeiro é metelos en auga”

Correr sobre a area mollada fortalece nocellos, xemelgos e cuádriceps

Cos primeiros días de praia e piscina convén protexer os pés do sol e das superficies quentes. En contra do que pode parecer, o Colexio de Podólogos de Galicia sinala que adoita haber máis queimaduras nos pés por falta de crema que por pisar area ou chans requentados. “Non é fácil que un se queime soamente pola temperatura da area, porque é moi pouco tempo de exposición. É máis fácil que se queimen polo sol porque os levaches todo o ano escondidos. Na cara e nos brazos máis ou menos dáche o sol ao longo do ano, pero na planta do pé non che deu nada. É entón cando te pos boca abaixo e poder queimar a planta do pé” –indica o presidente do Colexio, Borja Pérez Serrano–.

Os podólogos explican que se unha persoa nota que queimou os pés o que ten que facer é tratalo como unha queimadura, é dicir, arrefriándoa canto antes. “Se notas que queimaches os pés o primeiro é metelos en auga” –destaca o presidente–. Para a protección dos pés hai que usar crema solar. Normalmente, os pés deben levar unha protección máis alta que o resto do corpo xa que non están afeitos a que lles dea o sol.

Correr sobre a area descalzo esixe ata 2,5 veces máis enerxía

O verán é a época preferida por moitos para correr pola praia, xa que permite realizar un adestramento distinto, fuxindo do asfalto. O Colexio de Podólogos de Galicia sinala que non resulta nada sinxelo adestrar pola praia, e é que correr sobre a area descalzo esixe ata 2,5 veces máis enerxía e o movemento que se fai ao levantar os pés da area implica que o corpo traballe moito máis.

A diferenza dunha superficie dura, os músculos realizan un traballo máis mecánico ao correr ou camiñar sobre a area, posto que o talón non se apoia no chan da mesma forma que sobre o asfalto, e o corpo debe adaptarse e ceder a responsabilidade do equilibrio aos músculos que están ao redor do nocello, que debe facer un esforzo extra por manter o pé firme” –destaca o presidente–. Explica que con cada zancada os dedos dos pés se introducen na area e ao sacalos de novo provocan que entren en escena os músculos da parte posteroinferior da perna (xemelgos), que deberán exercitarse máis.

Así, Pérez Serrano advirte que este tipo de traballo sen calzado está máis pensado para atletas con experiencia, que teñan ben reforzados os músculos. Para o resto de deportistas aconsella empregar unhas zapatillas, salvo no caso de que decidan correr pola area mollada, onde a superficie é máis lisa e compacta.

A area, un exfoliante natural

Os especialistas do pé indican que correr sobre a area mollada resulta perfecto para traballar a propiocepción, que actúa como método de defensa ante movementos que poden lesionar as articulacións, e tamén conta con outros beneficios moi interesantes co fortalecemento de nocellos, xemelgos e cuádriceps.

Outras vantaxes desta práctica, segundo os expertos, é que a area é un perfecto exfoliante natural, e ao correr increméntase a fricción da pel da planta do pé coa area polo que se conseguirá unha pel máis suave, aínda que lembran que se se corre descalzo córrese o risco de cravarse calquera corpo estraño.

Ademais, os podólogos apuntan que hai que ter coidado coa pisada, porque cos desniveis e irregularidades do terreo a pisada é antinatural e poden xurdir lesións. “Este tipo de adestramento desaconséllase no caso das persoas con problemas nos tendóns ou nas articulacións” –suxire o presidente–.

 

Pies verano

🔶 #verano #sol #piscinas ☀️🏊‍♀️🏖Recomendamos el uso de chanclas en playas y piscinas para evitar el contagio de hon… https://t.co/KcoRLqq1Ef
📰 Aquí están las últimas noticias de la profesión, en el boletín número 59 del @CGPodologos 🔶 Si queréis leer la… https://t.co/hYc7p08Q6u
La Asamblea General del @CGPodologos reúne hoy y mañana a todos los presidentes de los Colegios Oficiales de Podolo… https://t.co/qpQEuyF3cq
Homenaje de los colegios sanitarios de Galicia https://t.co/02sfKyIgZH a través de @Farodevigo
29 colegios profesionales sanitarios de Galicia rendirán el próximo día 28 de julio un homenaje histórico a las víc… https://t.co/z8ZMDR7YfN
O COPOGA entre eles‼️ Os 29 colexios profesionais sanitarios de Galicia preparan unha homenaxe ás vítimas do corona… https://t.co/T0OoVivmiX
🔶 La salud de nuestros pies importa.🦶Acude al podólogo una vez al año. No te la juegues #visitaatupodólogo 👣 🔷 A s… https://t.co/ABibYWlVqX
Zapatos de plataforma, ¿es seguro su uso? https://t.co/n1ymgMeEec a través de @webconsultas
🔶 Los podólog@s pueden prescribir medicamentos 💊 y productos sanitarios como las ortesis para aliviar o tratar una… https://t.co/kf5p2tz63y
Expertos lamentan que los podólogos no estén incorporados en el SNS aunque son los especialistas en pie diabético https://t.co/zpifasNMeS
🔶Con la llegada del🌞, cada vez son más las personas que deciden salir a practicar #running 🏃‍♀️🏃‍♂️ 🦶 Pero para evi… https://t.co/4YjjpOMJvv
🤩El presidente del COPOGA, Juan Dios, estuvo ayer en directo en el programa "Quen anda aí?" de @TVGalicia para habl… https://t.co/05cjJn3Zu7
#Sentidiño Medidas necesarias para evitar a xeración de riscos de propagación da covid-19: de hixiene, a distancia… https://t.co/qeRyXQHbGA
El presidente del COPOGA, Juan Dios, ha hablado en el programa Más de uno Vigo de @ondacerovigo sobre el melanoma e… https://t.co/qCsyOKs7Gw
#Sentidiño @Xunta @esaude_sergas https://t.co/L0k5iplVC2
#Sentidiño @Xunta @esaude_sergas https://t.co/b3GILsREj4
Instan a la detección precoz del melanoma en los pies https://t.co/g2vAB9HIn0
Los podólogos aconsejan visitas una vez al año para la detección precoz del melanoma en los pies… https://t.co/TKhRqwbmy9