Novas

Expertos médicos recomendan utilizar a menor dose posible de radiación para conseguir un diagnóstico axeitado en podoloxía

Expertos médicos recomendan utilizar a menor dose posible de radiación para conseguir un diagnóstico axeitado en podoloxía

Sandra Baleato, médico do CHUS:

“As probas radiolóxicas son ferramentas que poden axudar ao podólogo no diagnóstico das diferentes patoloxías ás que se enfronta diariamente”

O curso impartirase mañá na sede do Colexio de Podólogos de Galicia en Santiago de Compostela

O Colexio de Podólogos de Galicia (COPOGA) celebrará mañá sábado, día 29, un curso de actualización en radiodiagnóstico en podoloxía no que participarán profesionais da podoloxía. Impartirase na sede do colexio en Santiago (avda. Quiroga Palacios, 65) entre as 9:30 e as 17:00 horas. Esta actividade está patrocinada por SRCL Consenur e Infocitec.

A xornada ten como obxecto actualizar os coñecementos en distintos medios diagnósticos mediante radioloxía. Repasaranse as probas principais de uso en podoloxía, como a radioloxía convencional, Tomografía Axial Computerizada (TAC), Resonancia Magnética Nuclear (RMN) e ecografía. Ademais abordaranse múltiples casos clínicos coas principais patoloxías do pé susceptibles de diagnóstico por imaxe. Este relatorio estará impartido pola doutora especialista en Radioloxía do Hospital Clínico Universitario de Santiago de Compostela (CHUS), Sandra Baleato. A xornada completarase cunha conferencia sobre dosimetría a radio-protección que ofrecerá o médico e director do Departamento de Radioloxía do Infocitec, Julián Fernández.

Clasificación das técnicas radiolóxicas: ionizantes ou non ionizantes

A doutora Sandra Baleato explica que o pé é unha área anatómica “tremendamente complexa” que pode ser asento de múltiples patoloxías. Neste punto, as técnicas radiolóxicas son “ferramentas que poden axudar ao podólogo a diferenciar diariamente as posibles patoloxías”, dado que o coñecemento do seu comportamento en imaxe pode ser de moita utilidade na práctica clínica do podólogo.

Este curso intentará explicar os achados radiolóxicos máis comúns das patoloxías ás que se enfronta cada día o podólogo e as indicacións e limitacións de cada unha destas técnicas e, á vez, realizalo en base ao principio básico de uso de radiacións ionizantes: ALARA, un acrónimo que significa “As Low As Reasonably Achievable”, é dicir, usar a menor dose de radiación posible para conseguir un diagnóstico axeitado.

As técnicas de imaxe pódense clasificar segundo o uso de radiacións ionizantes ou non. O uso de radiacións ionizantes está perfectamente regulado pola lei (Real Decreto 815/2001, de 13 de xullo, “Sobre xustificación do uso das radiacións ionizantes para a protección radiolóxica das persoas con ocasión de exposicións médicas”) e especificado na formación en protección radiolóxica nas ensinanzas de pregrao das Facultades Universitarias de Podoloxía. A doutora subliña que o Real Decreto prohibe as exposicións médicas que non poden xustificarse. Así, indícase na norma que “o podólogo, no ámbito das súas competencias, será o responsable de valorar: A correcta indicación do procedemento radiolóxico e definir alternativas, ao mesmo, sen risco radiolóxico ou con menor risco radiolóxico”.

As radiografías simples permiten identificar tanto variantes anatómicas como patoloxía ósea, principalmente patoloxía traumática e dexenerativa. Por outro lado, outras técnicas máis avanzadas como a TAC, tamén baseada en radiacións ionizantes, permite unha valoración en múltiples planos, en 3D, e resulta útil en problemas derivados da complexidade anatómica do pé. “Actualmente é unha técnica complementaria que se usa en contadas indicacións” –aclara Baleato–.

Tanto a ecografía como a Resonancia Magnética non usan radiacións ionizantes e a diferenza das técnicas que as usan identifican fundamentalmente lesións correspondentes ás partes brandas (músculos, tendóns, fascias). A ecografía é unha técnica diagnóstica barata e moi accesible, pero moi dependente da habilidade do operador. Pola súa parte, a RM permite un estudo global e máis exhaustivo da articulación do nocello e pé dada a súa resolución espacial e de contraste. Pero tamén hai que lembrar o maior custo e a menor dispoñibilidade da resonancia.

Ademais das técnicas convencionais de radiación, Sandra Baleato apunta que os podólogos teñen a posibilidade de considerar a eficacia, os beneficios e os riscos doutras técnicas alternativas dispoñibles que teñan o mesmo obxectivo, pero non requiran exposición ás radiacións ionizantes ou impliquen unha exposición menor.

Posted in Novas

Deja un comentario

Tu dirección de correo electrónico no será publicada. Los campos necesarios están marcados *

🎨 Niños, niñas 👧🧒‼ Aún estáis a tiempo de participar en el Concurso de Postales de Navidad del #COPOGA 🎄 🎁 Ya hemo… https://t.co/8W2SN3BwA4
📰 Extra, extra‼️ Aquí tenéis el boletín informativo del @CGPodologos, el nº 64 que llega con las últimas noticias d… https://t.co/wUjad7T0VA
🦶 Los juanetes tienen solución. Este es el título del artículo de opinión que hoy publica en su sección de Opinión… https://t.co/h1COQoUZun
Curso ‘online’ de podología de niños https://t.co/kQGgboQuGa
🔶 Iniciamos webinar sobre podología pediátrica 👶, con 60 podólogos en línea actualizando conocimientos con las expl… https://t.co/vowNbNmtdN
👣 Los podólogos analizan el #pieplanoinfantil, alteración normal entre los seis y ochos años que se puede prolongar… https://t.co/0VCPvakN5i
El presidente Juan Dios explica las bases del concurso de postales de Navidad en COPE Pontevedra​ (a partir do minu… https://t.co/k3PWN86LkA
Los dibujos deberán tener a los pies como protagonistas y serán valorados por su originalidad https://t.co/H8p1sk6TXp
🎨 Convocamos la 2ª edición del concurso de postales de Navidad para niños y niñas de tres a seis años 🎄 👣 Las cre… https://t.co/YEPkBVflUt
⚠️ Últimas plazas para inscribirse en el curso online de podología pediátrica, que impartirá el podólogo… https://t.co/sfuIkSkJLw
El pasado sábado se celebró el Día Mundial de la Diabetes. ¿Qué relación puede haber entre la diabetes y los podólo… https://t.co/53jYlW20Km
🔶 Con motivo del Día Mundial de la Diabetes desde el COPOGA hemos o preparado un decálogo con consejos para la pre… https://t.co/A3vU3VYLAy
🔶 El sábado se celebró el Día Mundial de la Diabetes. 1 de cada 4 personas con diabetes va a sufrir problemas grav… https://t.co/EKCUybh6nH
🗣 Marisa, paciente con diabetes cuenta como su pierna fue amputada tras padecer pie diabético 📣… https://t.co/rU9xLWGDDo
‼️Firma la petición. Por la #podología en la Sanidad Pública #podologíapúblicaya https://t.co/vOM4hegj7d
🔶 La junta de gobierno del Copoga se ha reunido esta mañana, vía telemática, para tratar diferentes temas colegiale… https://t.co/3EsL32ZTb5
“Hoy la prevención podológica temprana es crucial” #DíaMundialDiabetes #14N #PieDiabético https://t.co/inVis7EZfX