Novas

O Colexio de Podólogos desaconsella as chanclas para camiñar polo choque continuo ou “chancleteo” co talón que provoca a aparición de durezas

O Colexio de Podólogos desaconsella as chanclas para camiñar polo choque continuo ou “chancleteo” co talón que provoca a aparición de durezas

A mala calidade de algunhas, feitas con materiais ríxidos e sintéticos, pode causar bochas, rozaduras ou mesmo chagas

Borja Pérez, presidente:

“Os nenos deben usar un modelo de chanclas cunha sola máis grosa e con algo de suxeición no talón”

O verán xa está aquí, e coas altas temperaturas comeza unha época delicada para os pés. O calzado nada ten que ver co que se usa no inverno e os pés sofren as consecuencias. Preocupado pola aparición de rozaduras, bochas, exceso de sudoración, sequedad, fungos ou verrugas plantares, o Colexio de Podólogos de Galicia aconsella visitar a un podólogo para que realice unha exploración e poida pór en marcha o tratamento máis adecuado para evitar que a doenza se agrave.

Algunhas persoas se despreocupan dos seus pés e cometen o erro de comprar zapatos que poden pór en perigo a súa saúde podológica. É o caso das chanclas de materiais ríxidos e sintéticos –goma ou plástico–, baratas e de mala calidade que poden causar, polo rozamento directo, lesións na pel. O Colexio de Podólogos de Galicia alerta aos pais sobre este tipo de calzado co que moitos nenos camiñan durante as vacacións de verán. “Con estas chanclas os pés dos nenos non poden transpirar e poden sufrir rozaduras e bochas, ou mesmo chagas na pel” –manifesta o presidente do Colexio, Borja Pérez–.

No caso dos nenos, o Colexio destaca que o uso de chanclas pode ocasionar unha alteración na marcha, que consiste en que o pé debe facer un movemento para “reter” a chancla no período de apoio, sendo este movemento pouco natural e que podería resultar problemático para un pé en desenvolvemento. “Os nenos deben usar un modelo de chanclas cunha sola máis grosa e con algo de suxeición no talón que permita unha maior velocidade da marcha, reducir as forzas de impacto e achegar maior comodidade no porte” –destaca o presidente–.

Para os adultos, os podólogos sinalan que as chanclas non son un calzado anatómico para usar a diario e camiñar con el, xa que a súa función é a de calzar para ir á praia ou á piscina e protexer os pés dos fungos. Ao ser planas e ter unha sola con menos amortiguación, os podólogos explican que as chanclas poden provocar bochas e rozaduras, sobrecargas na planta –metatarsalxias ou talalxias–, e sobre todo fascitis plantar e dedos martelo. Aseguran que a falta de sujeción pode provocar resbalones e escordaduras de nocello. “Nunhas horas producen molestias en nocellos e xeonllos polo impacto que reciben ao camiñar e tendinite no tendón de aquiles por exceso de tensión” –indica Borja Pérez–.

Pero a lesión máis habitual son as durezas. Os podólogos consideran que o abuso das chanclas provoca a aparición de durezas que se forman por un micro traumantismo continuo, o “chancleteo” que ocasiona a chancla ao chocar co talón. “Cando estamos co pé apoiado, a chancla contacta con toda a nosa planta do pé, pero ao iniciar o paso a chancla queda no chan mentres o noso pé empeza a impulsarse. Cando facemos o despegamento do pé, a chancla precipítase co noso talón, chocando na parte final do impulso. Aínda que este choque é minúsculo, se camiñamos longas distancias ou temos as chanclas postas todo o día debemos sumar miles de micro choques, que son os que ocasionarán a dureza no talón” –explica Borja Pérez–.

Ademais, os podólogos galegos lembran que para bañarse no mar hai calzado específico, unhas zapatillas de goma moi axustadas ao pé que evitan as lesións plantares producidas por ourizos de mar, peixes rabuña, fanecas ou outros animais e obxectos que están nas beiras das praias. Son as coñecidas como cangrexeiras ou fanequeiras.

Posted in Novas

Deja un comentario

Tu dirección de correo electrónico no será publicada. Los campos necesarios están marcados *

🔶🆕 ‼️ Ya está disponible el nuevo número de nuestro Boletín Trimestral, en el que puedes consultar la actualidad de… https://t.co/0AiwOCnqog
🔷 El presidente del COPOGA, Juan Dios, intervino hoy en el programa Bos días de @TVGalicia para hablar sobre la cam… https://t.co/GMx2k7jUGi
⚽️🎾 Los podólogos recuerdan que un pie sano es clave en el rendimiento del deportista, en @elprogreso_Lugo y… https://t.co/JJdNlVX2OU
🔷Manifestamos o noso rexeitamento á proposta da subida do IVE ao 21% nos servizos sanitarios privados 🦶A podoloxía… https://t.co/AugyLFksVJ
Los podólogos inician una campaña sobre la salud de los pies de los deportistas, en @lavozdegalicia https://t.co/XpFPCQOALP
Podólogos alertan del cuidado del pie del deportista, vía @elcorreogallego https://t.co/hTG5sBddTr
🦶🏽👣 Los esguinces representan el 30% de las lesiones deportivas, pero también son frecuentes la fasciopatía plantar… https://t.co/aQZBUZQvEi
🤩 Faltan 24 horas para comenzar el I CONGRESO INTERNACIONAL VIRTUAL MONOGRÁFICO DE #PODOLOGÍA/PODIATRÍA, organizad… https://t.co/zt64c5iRGT
🔶 El vocal del Colexio, Gonzalo Barros, se ha reunido con Iñaki Villaverde, responsable de Ava Soluciones Tecnológi… https://t.co/Ll5mI0ZgMX
🗞 Últimas novedades y actividades de la profesión en España, de la mano del boletín nº 62 del @CGPodologos: 🔴 Nueva… https://t.co/cBjo7r1Yz8