Noticias

Máis de 1 000 podólogos de 21 países diferentes participarán no Congreso Nacional de Podoloxía os días 5 e 6 de outubro en Santiago de Compostela

Máis de 1 000 podólogos de 21 países diferentes participarán no Congreso Nacional de Podoloxía os días 5 e 6 de outubro en Santiago de Compostela

As patoloxías do corredor, o calzado deportivo ou o pé diabético serán tema de mesas redondas, sesións Pecha Kucha, conferencias e talleres prácticos

Organizarase unha Podoquedada runner peregrina desde o Monte do Gozo á Praza do Obradoiro

Santiago de Compostela acollerá os días 5 e 6 de outubro o 49 Congreso Nacional de Podoloxía 2018, organizado polo Consello Xeral de Colexios Oficiais de Podólogos de España e o Colexio de Podólogos de Galicia. Celebrarase no Palacio de Congresos e Exposicións de Galicia. O programa xa se pode consultar na web do Congreso.

Os máis de 1 000 podólogos participantes no simposio, entre conferenciantes e congresistas, chegan a Santiago de Compostela desde 21 países diferentes (Portugal, Italia, A Arxentina, Ecuador, México, Reino Unido, O Uruguai, Francia, Haití, Costa Rica, Os Estados Unidos, Brasil, Alemaña, Guatemala, Colombia, Malta, Israel, Marrocos, Bahamas, Chile e, por suposto, España), o que lle confire ao evento un marcado carácter internacional.

O congreso será inaugurado o venres 5 de outubro, ás 11:00 horas, polo presidente do Consello Xeral de Colexios Oficiais de Podólogos de España, José García Mostazo; o presidente do Colexio de Podólogos de Galicia, Borja Pérez Serrano; o conselleiro de Sanidade da Xunta de Galicia, Jesús Vázquez Almuiña; o presidente da Federación Internacional de Podólogos, Christian Jerome; e o presidente da Asociación Americana de Podólogos (EUA), Denis Frisch.

Unha peregrinación á carreira

Como acto social previo ao congreso, o xoves día 4 organizarase, entre as 19:30 e as 20:30 horas, una Podoquedada runner peregrina para que os podólogos afeccionados ao running poidan facer a última etapa do Camiño de Santiago. Os runners baixarán desde o Monte do Gozo ata a Catedral de Santiago, organizados en dous grupos segundo a velocidade á que queiran correr, acompañados por dous guías locais que os levarán por algún dos monumentos máis característicos do casco histórico da cidade.

Actualización efectiva na abordaxe de patoloxías

O congreso contará con mesas redondas tradicionais e outras en formato Pecha Kucha nas que se debaterán casos clínicos reais para aprender a proceder nestes casos e incentivarase a participación activa dos asistentes para aclarar conceptos e permitir unha actualización efectiva na abordaxe desas patoloxías.

Así, o programa científico contará o venres con mesas redondas sobre as patoloxías do tendón de Aquiles, fascite plantar, patoloxías do corredor, patoloxías ungulares e dérmicas, patoloxía do primeiro radio, pé plano e intrusismo no mundo do material deportivo.

O sábado comezará con senllas mesas redondas centradas na podoloxía deportiva sobre aplicacións prácticas na exploración biomecánica, calzado deportivo, patoloxía metatarso-dixital, aplicacións prácticas do calzado deportivo e continuará con outra sobre pé diabético. Finalmente terán lugar simposios sobre podoloxía pediátrica e cirurxía reconstrutiva por complicacións provocadas por profesionais sanitarios e amputacións.

Talleres sobre técnicas de cirurxía ou exploración do pé diabético

O congreso contará con dez talleres teórico-prácticos sobre distintos temas. O obxectivo é profundar na actualización de coñecementos, nos temas que máis lle interesen ao congresista. Poderán mellorar a técnica en exploración vascular ecográfica, tratamentos e actualización en terapia láser, órteses dixitais, ecografía avanzada, dermatoscopia, exploración e descargas en pé diabético, cirurxía osteoarticular e técnicas de cirurxía ungular e partes brandas.

Ademais, as catro principais sociedades científicas españolas relacionadas coa podoloxía –Asociación Española de Cirurxía Podolóxica (AECP), Asociación Española de Cirurxía de Mínima Incisión do Pé (AEMIS), Sociedade Española de Biomecánica e Ortopodoloxía (SEBIOR), Sociedade Española de Podoloxía Deportiva (SEPOD)– terán unha presenza destacada no congreso impartindo conferencias e talleres e participando en diversas mesas redondas.

Zona de ONG e exposicións artísticas relacionadas coa podoloxía

Así mesmo, o Palacio de Congresos contará cunha área comercial para as 25 empresas colaboradoras do evento. E habilitarase tamén unha zona de ONG con fins sociais relacionados coa podoloxía e un espazo expositivo de pezas artísticas que xirarán arredor dos pés a cargo de varios artistas.

Web do 49 Congreso Nacional de Podoloxía (ver programa): www.49congresopodologia.com

🔶 #verano #sol #piscinas ☀️🏊‍♀️🏖Recomendamos el uso de chanclas en playas y piscinas para evitar el contagio de hon… https://t.co/KcoRLqq1Ef
📰 Aquí están las últimas noticias de la profesión, en el boletín número 59 del @CGPodologos 🔶 Si queréis leer la… https://t.co/hYc7p08Q6u
La Asamblea General del @CGPodologos reúne hoy y mañana a todos los presidentes de los Colegios Oficiales de Podolo… https://t.co/qpQEuyF3cq
Homenaje de los colegios sanitarios de Galicia https://t.co/02sfKyIgZH a través de @Farodevigo
29 colegios profesionales sanitarios de Galicia rendirán el próximo día 28 de julio un homenaje histórico a las víc… https://t.co/z8ZMDR7YfN
O COPOGA entre eles‼️ Os 29 colexios profesionais sanitarios de Galicia preparan unha homenaxe ás vítimas do corona… https://t.co/T0OoVivmiX
🔶 La salud de nuestros pies importa.🦶Acude al podólogo una vez al año. No te la juegues #visitaatupodólogo 👣 🔷 A s… https://t.co/ABibYWlVqX
Zapatos de plataforma, ¿es seguro su uso? https://t.co/n1ymgMeEec a través de @webconsultas
🔶 Los podólog@s pueden prescribir medicamentos 💊 y productos sanitarios como las ortesis para aliviar o tratar una… https://t.co/kf5p2tz63y
Expertos lamentan que los podólogos no estén incorporados en el SNS aunque son los especialistas en pie diabético https://t.co/zpifasNMeS
🔶Con la llegada del🌞, cada vez son más las personas que deciden salir a practicar #running 🏃‍♀️🏃‍♂️ 🦶 Pero para evi… https://t.co/4YjjpOMJvv
🤩El presidente del COPOGA, Juan Dios, estuvo ayer en directo en el programa "Quen anda aí?" de @TVGalicia para habl… https://t.co/05cjJn3Zu7
#Sentidiño Medidas necesarias para evitar a xeración de riscos de propagación da covid-19: de hixiene, a distancia… https://t.co/qeRyXQHbGA
El presidente del COPOGA, Juan Dios, ha hablado en el programa Más de uno Vigo de @ondacerovigo sobre el melanoma e… https://t.co/qCsyOKs7Gw
#Sentidiño @Xunta @esaude_sergas https://t.co/L0k5iplVC2
#Sentidiño @Xunta @esaude_sergas https://t.co/b3GILsREj4
Instan a la detección precoz del melanoma en los pies https://t.co/g2vAB9HIn0
Los podólogos aconsejan visitas una vez al año para la detección precoz del melanoma en los pies… https://t.co/TKhRqwbmy9