Consellos

O Colexio de Podólogos de Galicia aconsella variar o calzado e non abusar nin de deportivas nin de botas para ir ao cole

O Colexio de Podólogos de Galicia aconsella variar o calzado e non abusar nin de deportivas nin de botas para ir ao cole

O Colexio de Podólogos de Galicia aconsella variar o calzado e non abusar nin de deportivas nin de botas para ir ao cole

Non recomenda herdar zapatos, xa que cada persoa ten unha pisada diferente

Montse Martínez, vicepresidenta: “O prezo non é o factor principal que se debe analizar á hora de comprar calzado para os máis pequenos, se non a súa calidade”

A volta á rutina das clases escolares e os preparativos para o novo curso (roupa, uniforme, zapatos etc.) é un bo momento para lles realizar unha revisión podolóxica aos máis pequenos para controlar a evolución da súa pisada e detectar incipientes patoloxías, e iniciar tratamentos correctores no caso de que sexan necesarios.

Con setembro ao virar a esquina, o Colexio de Podólogos de Galicia explica como elixir un bo calzado. Recomenda optar por calzado fabricado en pel ou en materiais naturais e flexibles que axuden á transpiración e á vez permitan liberdade de movemento, sempre asegurándose de que ao dedo máis longo do neno ou a nena lle quede unha distancia de 0,5 centímetros para chegar á punteira do zapato. Os expertos sinalan tamén que deben ser zapatos lixeiros e carecer de costuras internas que poidan provocar rozamentos, cun bo acabado interior porque desta forma non causarán molestias ao camiñar. E destacan que o eixe lonxitudinal da sola do zapato, a forma, debe ser o máis recto posible.

Ademais, os expertos indican que é unha mala práctica comprar o calzado máis grande para que lle valla toda a tempada, xa que o calzado ten que acomodarse ao tamaño real do pé do neno. “Se o zapato non é xusto da súa talla podería alterar a súa forma de camiñar, provocarlle inestabilidade ou crearlle bochas ou laceracións” –sinala a vicepresidenta, Montse Martínez–.

Outros costumes pouco recomendables segundo os profesionais é “herdar” zapatos, pasando duns irmáns a outros ou entre familiares ou amigos, posto que a pisada de cada persoa é diferente e compartir calzado pode distorsionala. Tamén desaconsellan reutilizar o calzado da tempada pasada, sen ter en conta o desgaste do calzado ou o crecemento do pé do pequeno.

Outra práctica é comprar o calzado só atendendo ao seu baixo prezo “porque, total, vai durar pouco”, ou comprar só zapatos caros, detalle que non asegura que sexa mellor. “O prezo non é o factor principal que se debe analizar á hora de comprar calzado para os máis pequenos, se non a súa calidade” –explica a vicepresidenta–.

Calzado con velcro para os menores de seis anos

Os podólogos galegos consideran importante utilizar calzado específico para educación física, e para o día a día ter o hábito de variar de calzado, e non abusar nin do calzado deportivo nin das botas. “Non se debe ir só con botas ao cole, porque a maior parte da musculatura do pé ten a súa orixe na perna, e a bota pode facer que estas estruturas non se desenvolvan correctamente” –apunta Montse Martínez–.

Tamén é recomendable escoller un zapato con cordóns que acheguen suxeición á empeña, ademais dun contraforte semirríxido para controlar os movementos do nocello. E os especialistas apuntan que, para nenos de menos de 6 anos, é moi práctico o calzado con velcro, porque achegan suxeición e resultan máis fáciles de quitar e poñer para os pequenos. No caso de que o neno necesite tratamento con soletas, é mellor optar por calzado que incorpore soletas orixinais extraíbles.

Deporte e extraescolares

Coa volta ao cole tamén empezan as actividades extraescolares e a rutina das actividades deportivas. De maneira xeral recoméndase inculcarlles aos pequenos os hábitos de quentar e estirar antes de practicar deporte, e dosificar a actividade. “O pé dun neno aínda non está formado completamente polo que o exceso de intensidade deportiva nos nenos pode chegar a producir dores e sobrecargas musculares” –sinala a vicepresidenta–.

É importante elixir o calzado adecuado para cada deporte e para a superficie na que se vai xogar (valorar o amortecemento, materiais, contrafortes, acordoado e debuxo da sola segundo o terreo). Se a carcasa do calzado é dura, como en patinaxe ou en esquí, é conveniente elixir a talla adecuada. No caso das botas de fútbol haberá que saber se se xoga en céspede artificial ou céspede natural, e coñecer o estado do terreo de xogo. “Se o céspede non se atopa en bo estado nin son superficies de última xeración, é máis recomendable elixir unha bota con tacos máis pequenos e máis numerosos” –apunta Montse Martínez–. Tamén lembran os podólogos que non se deben estrear as zapatillas deportivas o mesmo día dunha competición, xa que o pé ten que estar adaptado previamente ao calzado.

Revisión unha vez ao ano para previr patoloxías

Do mesmo xeito que no caso dos adultos, o Colexio de Podólogos de Galicia sinala que é recomendable levar os nenos ao podólogo polo menos unha vez ao ano, xa que durante a infancia estamos a tempo de tratar e previr patoloxías que poderían agravarse na idade adulta. Recoméndase que a primeira visita dos máis pequenos se faga con 4 ou 5 anos e a realización do correspondente estudo biomecánico da pisada, ou antes no caso de que se detectase algún problema previo.

Unha das patoloxías típicas do pé infantil é o pé plano, cando o arco plantar interno ten menos altura do normal, e vai acompañado dun ensanche do pé e unha caída cara á parte interna. En realidade, os podólogos explican que todos os nenos nacen cos pés planos, pero segundo van crecendo váiselles formando o arco, o problema preséntase cando este non chega a desenvolverse.

Existen tres tipos de pés planos: ríxido, flexible e semiflexible. O pé plano flexible é normal ata os sete anos, pero se a esa idade non se corrixiu hai que solucionar a patoloxía con soletas personalizadas e exercicios, ou ás veces, é suficiente cun programa efectivo de exercicios. O pé plano semiflexible é normal ata os catro anos. Se a esa idade non se corrixiu débese comezar tratamento para corrixir a patoloxía. O pé plano ríxido de maneira xeral soluciónase con cirurxía, pero non é frecuente atopar este tipo de casos en nenos.

🔷 La Junta de Gobierno del COPOGA se reunió ayer por videoconferencia para seguir trabajando durante el estado de a… https://t.co/UrfAi4C4tC
Las mejores zapatillas de deporte para cada entrenamiento, con las explicaciones de la podóloga y secretaria del Co… https://t.co/TPZZS3dqEn
🔷 Dejar de fumar puede evitar callosidades en los pies 👣, una lesión que provoca dolor, impide caminar con normalid… https://t.co/hA9n3exyXv
#sentidiño https://t.co/421bWDBsTF
Coronavirus en Galicia | Teletrabajo con dolores. Fisioterapeutas y podólogos alertan del incremento de las dolenci… https://t.co/UL3mNbUu8q
Consejos para los pies tras el confinamiento del presidente del Colexio de Podólogos de Galicia, Juan Dios, en Onda… https://t.co/DWZPDWR8Vw
Compartimos con todos vosotr@s la campaña institucional “Con sentidiño” de la @Xunta, de información a la población… https://t.co/R9R4eL525q
Os podólogos galegos recomendan visitas regulares "para valorar o estado de saúde do pé" https://t.co/bLR3RFZYQR vía @Gconfidencial
Los podólogos gallegos recomiendan visitas regulares "para valorar el estado de salud del pie" y prevenir https://t.co/ABIljO1QoI
Un 85% de personas con fibromialgia son mujeres que sufren problemas en los pies vía @ActaSanitaria https://t.co/NyCbuf8pN9
Un 85% de las personas con fibromialgia son mujeres que s... vía @Consalud_es https://t.co/GzqaJeIG4j
🔶 Clínicas podológicas, un lugar seguro. Nos hemos adaptado a la normativa y seguimos todas las recomendaciones y m… https://t.co/ilYbtfZHjA
Se sufren más problemas en los pies si se padece fibromialgia https://t.co/xxtnEMoMC9
Un 85% de las personas que padecen fibromialgia son mujeres que sufren un incremento de problemas en los pies, como… https://t.co/QxZ88BuxXx
Os podólogos galegos garanten a seguridade dos seus pacientes https://t.co/1ibjfL6JuY https://t.co/iE2gjADcWm
🔶 Los podólogos gallegos siguen pautas de actuación preventivas para garantizar la seguridad de pacientes y mantene… https://t.co/CldE3VwS60
🔶 El presidente Juan Dios y representantes de los colegios de Ópticos-Optometristas, Logopedas, Terapeutas Ocupacio… https://t.co/3Z7lv42qsl
🔶 Tus pies en las mejores manos https://t.co/GHULAOk0XV