Novas

O Colexio de Podólogos de Galicia aconsella visitar a un profesional para revisar os pés antes de facer o Camiño de Santiago para evitar lesións e diversas patoloxías dolorosas

O Colexio de Podólogos de Galicia aconsella visitar a un profesional para revisar os pés antes de facer o Camiño de Santiago para evitar lesións e diversas patoloxías dolorosas

“É importante saber que non se deben manipular as lesións con coitelas ou calicidas”

O inicio da primavera provoca o aumento dos peregrinos polas rutas xacobeas do Camiño de Santiago, animados polo bo tempo e o cesamento das continuas choivas. Ademais dos peregrinos que camiñan cara a Santiago de Compostela, son moitas as persoas que aproveitan o tempo de lecer para realizar rutas de sendeirismo e actividades en contornas naturais.

No caso dos peregrinos, que realizan longas etapas de máis de trinta quilómetros, chegan á capital galega para selar a súa Compostelá con graves rozaduras, bochas e dores nos pés. Para evitar lesións e molestias, o Colexio de Podólogos de Galicia aconsella acudir a un profesional días antes de comezar o Camiño de Santiago, para comprobar que os pés se atopan nas mellores condicións posibles para camiñar.

As doenzas máis comúns entre peregrinos son as bochas e rozaduras, aínda que tamén hai algúns peregrinos con fascite plantar, metatarsalxias e escordaduras a metade do camiño. O presidente do Colexio de Podólogos de Galicia, Alfonso Alonso González, recomenda o uso de cremas hidratantes e ante-rozaduras ao comezar o día, e unha vez que finalice a etapa, é necesario aplicar xeles de frío ou produtos para controlar o exceso de transpiración e evitar as bochas ao día seguinte.

Un dos primeiros consellos que ofrece un podólogo a calquera peregrino ou camiñante é non abusar do calzado tipo chancleta ou chancla porque non presta a suxeición idónea ao pé. “É o calzado que fai sufrir ao pé que se move máis ao camiñar cunha maior fricción”- explica Alfonso Alonso.

O zapato ideal é aquel que se adapta ao pé protexéndoo, ofrecendo suxeición e total mobilidade, sen interferir no movemento natural ao camiñar. “Para andar é imprescindible un calzado cun sistema de peche que se adapte perfectamente ao pé, con sola ancha para amortecer e controlar o impacto das numerosas pisadas”- apunta o presidente do Colexio de Podólogos. Ademais, o colexio profesional recomenda aos camiñantes calzar zapatillas deportivas apropiadas, usadas, pero non moi desgastadas.

Outras recomendacións do Colexio de Podólogos refírense ao uso de complementos adaptados para actividades deportivas como os calcetíns e medias de fibras naturais, como seda, fío ou la, que non opriman o pé en exceso.

Os podólogos galegos tamén advirten que é necesario vixiar cautelosamente as feridas. “É moi importante saber que non se deben manipular as lesións con coitelas ou calicidas que só poden agravar a situación”- indica Alfonso Alonso.

Recomendacións básicas para o coidado dos pés

Cando unha persoa camiña durante horas, os pés adoitan sufrir unha lixeira inflamación e xorde a dor. “Nestes casos o mellor é elevalos e darlles un baño de auga morna”-
destacan membros do Colexio de Podólogos de Galicia. Dentro das recomendacións básicas para o coidado dos pés, o colexio galego centra a súa atención na hixiene diaria dos pés,  mediante un lavado con xabrón neutro en auga tépeda ou fría, limpando os espazos entre os dedos, sen utilizar cepillos duros que poidan danar a pel. “É bo secar os pés cunha toalla suave, sen deixar humidade entre os dedos para evitar a aparición de fungos, verrugas ou bacterias, ou usando o secador de pelo a baixa temperatura”, suxiren os podólogos que tamén recomendan “hidratar os pés con pequenas cantidades de cremas e aceites para previr a aparición de sequidade e gretas, feridas ou outras lesións dérmicas”.

Posted in Novas

Deixa unha resposta

O teu enderezo electrónico non se publicará Os campos obrigatorios están marcados con *

🔶 🗣 No paramos nuestra actividad, y hoy se ha reunido la comisión de intrusismo, compuesta por el presidente Juan D… https://t.co/IJgn6ORGM4
Insisten en evitar los sabañones y que no se vuelvan crónicos, en @vozdesantiago https://t.co/kKUPVQ4Q0d
Los podólogos recomiendan evitar contrastes térmicos para prevenir sabañones https://t.co/6lZD2lyngB vía @laopinioncoruna
Usar calzado y calcetines aislantes y evitar los contrastes de frío-calor, claves para prevenir los sabañones en in… https://t.co/eNXaYXigIB
Los podólogos aconsejan "calzado y calcetines aislantes" y evitar contrastes térmicos para prevenir sabañones… https://t.co/FOTxDSI5Ic
Los podólogos gallegos aconsejan "calzado y calcetines aislantes" y evitar contrastes térmicos para prevenir sabaño… https://t.co/1V1sNNM80e
Os podólogos galegos aconsellan "calzado e calcetíns illantes" e evitar contrastes térmicos para previr frieiras… https://t.co/E67qxce1hF
Recomendaciones para el frío invernal ☃️❄️, usar calzado y calcetines aislantes, evitar los contrastes de frío-calo… https://t.co/BWQgyiolnv
Un diagnóstico precoz y un tratamiento adecuado, con hábitos de vida saludables, pueden evitar que el pie reumático… https://t.co/2jg0y3TILl
#formación Mañana sábado celebramos un curso sobre podología reumática en nuestra sede en Santiago 👣 La jefa de se… https://t.co/8Mi2UKv25B
🗞 🗣 ¡Extra, extra! Ya tenemos aquí el 1º boletín del año, con un resumen de la actividad y difusión en medios de la… https://t.co/UeU2Yna8QL
Para empezar el año con buen pie 👣, os recomendamos la lectura del último boletín de 2019 del @CGPodologoshttps://t.co/Z13Z8cvJww
Feliz Año a tod@s‼️ ¿Ya tenéis hecha vuestra lista de propósitos para este 2020? Os recordamos que no se os puede o… https://t.co/hgcGBRSM2j
Comer marisco en exceso también puede provocar gota https://t.co/i1h1pRGjhn vía @hola