Novas

Os especialistas do pé celebran este fin de semana unhas xornadas sobre podoloxía infantil en Ribadeo, ás que asistirán máis de 150 profesionais

Os especialistas do pé celebran este fin de semana unhas xornadas sobre podoloxía infantil en Ribadeo, ás que asistirán máis de 150 profesionais

O podólogo Roberto Pascual presentará a súa investigación sobre os problemas derivados do uso de zapatillas con ruedines

Nenos e nenas de Viveiro, Tui e Rianxo gañan o concurso de debuxo Como molan os meus pés! con creacións orixinais e coloristas

O Colexio de Podólogos de Galicia (COPOGA) e O Colexio de Podólogos de Asturias celebran este fin de semana en Ribadeo as primeiras Xornadas Astur-Galaicas de podoloxía pediátrica. Desenvolveranse o venres 22 e o sábado 23 no Auditorio Municipal Hernán Naval da localidade ribadense onde se reunirán máis de 150 podólogos galegos e asturianos e outros profesionais chegados de distintos puntos de España.

Os relatorios versarán sobre o crecemento dos nenos, o pé plano infantil flexible, a valoración clínica do pé infantil, o manexo farmacolóxico do paciente pediátrico, patoloxía do pé e nocello infantil desde o enfoque radiológico, abordaxe diagnóstico e terapéutico dos motivos de consulta infantil e a abordaxe cirúrxica do paciente pediátrico.

Os organizadores explican que as xornadas se convocan para transmitir á sociedade a necesidade dunha “maior prevención na podoloxía pediátrica”. De modo xeral, tamén servirán para dar a coñecer a figura do podólogo como o profesional “especialista no pé” en ámbitos tan diversos como a podoloxía deportiva ou o pé diabético. O congreso contará cun gran eleco de profesionais con experiencia clínica, como o podólogo e profesor da Universidade Miguel Hernández de Elxe, Roberto Pascual; o podólogo, profesor asistencial asociado de Enfermaría na Universidade Jaime I de Castelló e presidente do Colexio de Podólogos da Comunidade Valenciana, Alfredo Martínez; o médico-podólogo especialista en cirurxía do pé, Rafael Benegas; o pediatra do hospital de Barbanza, José Manuel Martín, e o xefe do servizo de Radiodiagnóstico do Hospital Universitario Central de Asturias, Faustino García.

Programas de atención primaria para a saúde podológica infantil

O especialista en podoloxía infantil Roberto Pascual será o encargado de iniciar o congreso cunha conferencia divulgativa sobre o coidado dos pés dos nenos e nenas. Na súa exposición, Pascual resaltará a importancia do podólogo na idade escolar, incidindo na necesidade de fomentar programas de atención primaria para a saúde podológica infantil como mecanismo precoz de detección de datos, non compatibles coa normalidade, para que o prognóstico e as opcións terapéuticas sexan satisfactorias.

Ademais, Roberto Pascual fará referencia ao calzado infantil como punto destacado e detallará a necesidade de non usar os heelys ou zapatillas deportivas con ruedines no ámbito escolar, tal como desenvolveu nun estudo publicado recentemente pola Universidade Miguel Hernández de Elxe e difundido polo Consello Xeral de Colexios Oficiais de Podólogos.

Pascual analizará o mal uso da zapatilla de fútbol como calzado habitual durante o cinco días lectivos da semana no ámbito escolar. Tentará tamén facer referencia aos puntos crave que os pais deben ter en conta para acudir ao podólogo, como o meter as puntas dos pés cara a dentro, a presenza ou non dun pé plano, as marchas no bico dos pés ou as posibles escoliosis, relacionadas en moitos casos co crecemento.

130 nenos galegos e asturianos participan no concurso de debuxo Como molan os meus pés!

Dentro desta colaboración entre colexios profesionais e no marco das xornadas, convocouse o primeiro concurso de debuxo infantil titulado Como molan os meus pés!, co fin de involucrar a nenos e mozos no papel que xoga o podólogo no coidado da saúde dos seus pés. Tras pechar a convocatoria o pasado 17 de abril, recibíronse 150 debuxos creados por 130 nenos galegos e asturianos.

O xurado compúxose por representantes dos colexios e presidido pola escritora e xornalista María Solar, que felicita sinceramente aos colectivos por esta iniciativa “realmente importante para pór en valor os pés desde pequenos e traballar na súa educación”. Desde a súa experiencia co libro “Teño uns pés perfectos”, María Solar viu de primeira man o ben que llo pasan os máis pequenos aprendendo curiosidades sobre os pés, e o descoñecemento que teñen sobre o seu coidado.

Tras as oportunas deliberacións, o xurado decidiu premiar na categoría de até 5 anos a Marian Balanta de Viveiro, co seu debuxo dun barco. María Solar destaca a beleza e orixinalidade dun debuxo “colorista e divertido, onde os pés son un medio de tranporte, esta vez por mar”. Na modalidade de 6 a 8 anos, prémiase o debuxo do pé na herba, de Darío Vidal de Rianxo, onde se mostra un pé riseiro e divertido con nubes que semellan as pegadas. “Conseguiu un efecto de proximidade do pé. É un pé simpático, moi creativo, e utilizou técnicas mixtas con pegada, materiais, e debuxo” –destaca María Solar–. E na categoría de 9 a 12 anos, o xurado seleccionou un debuxo de Iria Rei de Tui, no que se representa a terra rodeada de pés de distintas nacionalidades. Nesta modalidade, o xurado ha decidico primar o concepto. Neste caso, María Solar explica que o debuxo transmite a idea de que “todos temos pés e son semellantes”, sexan da cor que sexan, nacionalidade ou clase social. “O debuxo profunda na necesidade de non avergoñarnos dos pés, non escondelos, presumir deles sexan bonitos ou feos, porque todos eles son perfectos como estrutura” –indica a xornalista–.

A entrega do premio farase nun acto público este venres en plenas Xornadas Astur-Galaicas, onde tamén se exporán os debuxos. O autor do mellor debuxo por categoría será premiado cunha tablet infantil de 7 polgadas, un exemplar do libro de María Solar e un lote de produtos da editorial Kalandraka, que colabora nas xornadas.

Posted in Novas

Deixa unha resposta

O teu enderezo electrónico non se publicará Os campos obrigatorios están marcados con *

📌Las personas mayores son uno de los colectivos más propensos a sufrir dolencias en los #pies. ¿Cómo afectan estas… https://t.co/1vmgbSYKpf
Dale al ▶️ y escucha los comentarios de nuestro presidente, Juan Dios, en el programa Convivir de @RadioGalega en r… https://t.co/wulGw0HMib
📢📢‼️ Abierto el plazo de inscripción para el CURSO DE INICIACIÓN A LA CIRURGÍA DE MÍNIMA INCISIÓN que se celebra el… https://t.co/cxwnXNLUkf
Asistencia podológica en el medio rural de Galicia, artículo de opinión del presidente Juan Dios en @lavozdegalicia https://t.co/fBiNAFhggT
Podólogos galegos recomendan protexer os pés dos "seus principais inimigos" no verán, como o sol e fungos… https://t.co/zveuHDnqZR
Podólogos gallegos recomiendan proteger los pies de "sus principales enemigos" en verano, como el sol y hongos https://t.co/Gz3YNCJOZ0
Atención para verano‼️ Recomendamos proteger los pies 👣de sus principales enemigos, el sol 🌞 y los hongos 🦶… https://t.co/4RPbVqmRTr
Evitar las ampollas y lesiones en el Camino de Santiago, nuestros consejos en la revista @diezminutos_eshttps://t.co/XxL9ioZk1z
Rocío Dono: «Podemos facer todos os tratamentos que precise o pé, incluída a cirurxía». La nueva vicepresidenta del… https://t.co/wkipib8rae
Las directivas, saliente y entrante, envían un saludo afectuoso a los colegiados tras realizar en nuestra sede el c… https://t.co/ZPnRDGjIHJ
O Colexio de Podólogos de Galicia estrea nova Xunta de Goberno https://t.co/y6bdumAMqX https://t.co/O3oY6SRwiJ
Estrenamos nueva Junta de Gobierno comprometida con los intereses de la profesión, la lucha contra el intrusismo y… https://t.co/ioIdeICD0F
📣 Ya está aquí el Boletín nº 48 del @CGPodologos con las últimas noticias de la profesión‼️https://t.co/eGJHBAdDKy https://t.co/wOi1vDf44F
Los presidentes Borja Pérez y Juan Dios ponen voz a la oposición del colegio al plan de la Xunta de llevar un podól… https://t.co/XboHMfbwpL
Borja Pérez Serrano fixo recomendacións profesionais para o coidado dos pés peregrinos na @TVGalicia @RadioGalegahttps://t.co/gQiYl2b8IN
Borja Pérez Serramo asistió esta tarde a la graduación de los nuevos podólogos en el campus de Ferrol @vozferrolhttps://t.co/gfCvlN8HCe