Noticias

Un 75 % dos problemas nos pés dos maiores son causados por enfermidades osteoarticulares que poden complicar a súa mobilidade

Un 75 % dos problemas nos pés dos maiores son causados por enfermidades osteoarticulares que poden complicar a súa mobilidade

Patoloxías reumáticas como a artrite ou a artrose poden agravarse e provocar episodios dolorosos durante o inverno

O Colexio de Podólogos de Galicia recomenda calzado con suxeición de cordóns ou velcros e sola antiescorregadiza, calcetíns de fibras naturais e usar soletas personalizadas para que persoas de idade avanzada poidan camiñar con maior seguridade e comodidade

Atendiendo-paciente-mayor

As baixas temperaturas do inverno e os altos índices de humidade que hai en Galicia poden provocar doenzas nos pés. Co intenso frío destes últimos días, e as copiosas xeadas que conxelaron toda a xeografía galega, o Colexio de Podólogos de Galicia incide na necesidade dun coidado específico dos pés das persoas maiores, esencial para a súa saúde e prevención de patoloxías que poderían orixinar outras enfermidades, antes de que se agraven e cheguen, mesmo, a afectar á súa mobilidade.

Segundo un estudo publicado na Revista Española de Podoloxía, un 75 % dos problemas nos pés das persoas con máis de 65 anos son derivados de enfermidades osteoarticulares ou reumatolóxicas como a artrite reumatoide ou psoriásica, artrose ou a gota, que poden verse agravadas ou con episodios de maior dor durante o inverno. “É moi importante que as persoas maiores acudan periodicamente ao podólogo para revisar os seus pés, tratar as doenzas que presenten para que non afecten a súa mobilidade durante a marcha e evitar a aparición de patoloxías graves. Por exemplo, tratar a tempo problemas circulatorios pode evitar a aparición dunha gangrena” –explica o presidente do Colexio de Podólogos de Galicia, Borja Pérez Serrano–.

Aínda que os problemas máis comúns nos pés deste grupo poboacional son as queratopatías –callos e durezas– (23 %); distrofias ungulares (29 %); uñas enterradas (16 %); e infeccións por papilomas ou fungos nas uñas (15 %). Outras das enfermidades que afectan directamente á saúde dos pés son a obesidade, os trastornos cardiovasculares ou a diabetes, debido a que poden comportar cambios na estrutura dos pés que alteren a marcha, xeren molestias ou supoñan perda de sensibilidade, entre outros.

Para manter unha saúde podolóxica óptima, os podólogos recoméndanlles ás persoas maiores protexer as prominencias óseas e deformidades dos pés, por exemplo co uso de orteses de silicona que poden axudar a evitar a dor causada polo movemento, que podería alterar a marcha e incrementar a inestabilidade. O colexio asegura que o uso de persoais personalizados en persoas maiores lles axuda a camiñar con maior seguridade e comodidade.

Os expertos aconsellan utilizar zapatos que suxeiten ben o pé con cordóns ou con velcros e adecuados á anchura dos pés, e evitar os calzados de punta ou cun tacón moi alto. Sinalan tamén que o calzado debe dispoñer de sola antiescorregadiza e débese evitar levar zapatos con solas desgastadas, tacóns altos, chancletas ou zapatilla solta, sempre se elixirán zapatos que permitan a transpiración natural. Como é moi frecuente que os pés inchen, os podólogos indican que é preferible que o calzado sexa de lycra ou escumas que cedan, para que non aperten ao longo do día. Ademais, recomendan usar medias e calcetíns de fibras naturais –algodón ou la– e descartar as fibras sintéticas, porque non favorecen a transpiración e incrementan a sudación. E mesmo lembran que non se deben utilizar calcetíns ou medias remendadas ou con costuras, nin ligas ou calcetíns con elástico superior que aperte, xa que ao impedir ou entorpecer o retorno venoso poden causar edemas periféricos.

Os anciáns teñen maior probabilidade de padecer as dolorosas frieiras

O colexio galego sinala tamén que o eritema pernio, coñecido popularmente como frieira, é un trastorno localizado en zonas distais como as mans e os pés, como resposta anormal ao frío por vasoconstrición prolongada, que conduce a hipoxemia e inflamación das paredes vasculares.

A baixada das temperaturas pode afectar directamente a saúde dos pés, por iso é necesario protexelos adecuadamente para evitar posibles doenzas causadas polo frío. Ademais, unha boa circulación sanguínea é fundamental para evitar a súa aparición. Por tanto, o colexio recomenda non estar moito tempo parados, evitar a cafeína e tomar alimentos ricos en magnesio e calcio. “Os anciáns deben ser especialmente cautelosos, xa que debido ao sedentarismo, a pouca deambulación e a mala circulación teñen maior probabilidade de padecelos. Ademais, afecta en maior medida a mulleres que a homes, aínda que non se detectaron problemas circulatorios” –explica o presidente–.

Para diminuír a sintomatoloxía da súa aparición, o colexio recomenda evitar a calor de fontes directas, como achegar os pés á estufa ou ás bolsas de auga quente porque poderían incentivar precisamente a aparición de frieiras.

Hoy nos llegan las últimas noticias de la profesión, de mano del boletín informativo del @CGPodologos. Lectura obli… https://t.co/itr907xXDq
El trabajo nos expone durante un largo período temporal a diversas circunstancias que pueden repercutir en la salud… https://t.co/RuaNz7FEqO
El @ColexioPodologo reivindica, en el #DíaInternacionaldelaDiversidadFuncional, el derecho a una inclusión social p… https://t.co/w6LpSXZVpv
El podólogo y profesor de la Universidad de Sevilla, Salomón Benhamú, guía a los participantes en el curso de hoy s… https://t.co/TK8NrAysz3
Mañana sábado celebraremos en nuestra sede en Santiago un curso sobre #ortesis para tratar dedos en garra, juanetes… https://t.co/Tw5U4hqYVN
El 14 de diciembre celebraremos la Asamblea General Ordinaria del 2º semestre. La jornada se completará con un semi… https://t.co/uiy5MBhEyS
Antes de que nos opere un podólogo/a u otros/as profesionales sanitarios 👩🏽‍⚕👨🏼‍⚕, deben explicarnos nuestra situac… https://t.co/BwTJL7VDzy
La vicepresidenta Rocío Dono, participó ayer en la VII andaina contra la violencia de género "Camiño ao respecto",… https://t.co/OHO2Gk3Htz
Este pasado sábado se celebró en Boiro una charla por el Día Mundial de la Diabetes de concienciación a la població… https://t.co/EaF4SSYzNy
👋Nos gustaría ayudarte a cuidar tus pies. ¿Conoces todas las especialidades de la podología? Toma nota de ellas y d… https://t.co/uZGoPFg6aS
Nuestro concurso de postales navideñas🎄en el suplemento Xornal Escolar de @LaRegion, para animar a los más peques a… https://t.co/CWLK3xda2j
Concurso de postales de Navidad ☃️🎄 para niñ@s de 3 a 6 años👧👦. Podrán presentar sus dibujos 🎨, con el pie como pro… https://t.co/7A2MPCef2m
#DíaMundialDiabetes La tesorera del Colexio profesional, Celia Sieiro, ha participado esta mañana en la jornada org… https://t.co/qn6tY9jDeY
#DíaMundialdelaDiabetes #14N Alrededor de un 15% de las personas con diabetes desarrollan alguna úlcera en el pie a… https://t.co/tnTLLK5nAF
#DíaMundialdelaDiabetes #14N La creación de Unidades de Pie Diabético en hospitales gallegos, con podólogos en sus… https://t.co/Utju3ns9IL
¿No habéis podido ir al 50 Congreso Nacional de Cantabria? Os dejamos aquí 👇 el Boletín informativo-Monográfico 50… https://t.co/o0Bya9blqq
Seguimos trabajando para ofrecer los mejores servicios a nuestro colegiados y colegiadas‼️ Hoy se ha reunido la Jun… https://t.co/mJLKdr8TNo
Llega #Samaín #Halloween. Hoy las brujas y los muertos nos acompañarán para vivir una noche terrorífica. Vivamos es… https://t.co/6Y6Z6j505g
Taller de biomecánica del corredor en el Colexio de Podólogos de Galicia, en @elcorreogallego https://t.co/Y1KYl8oEOO
Hoy actualizamos nuestra formación en un taller de biomecánica del corredor, con Luis Enrique Roche en el hotel TRY… https://t.co/iaioTL6BPB